Mınıstrlik tanymal adamdardy qumar oıyndy jarnamalaýdan bas tartýǵa shaqyrdy

ASTANA. KAZINFORM – Týrızm jáne sport vıtse-mınıstr Mıras Tólebaev BAQ pen tanymal adamdardy qumar oıyndy jarnamalaýdan bas tartýǵa shaqyrdy.

«Jaǵdaıdy paıdalanyp, búkil BAQ-ty óz telearnalaryńyzda, óz jańalyq portaldaryńyzda sportqa bás tigýdi, býkmekerlik keńselerdi jarnamalaýdy toqtatýǵa, óz saıttaryńyzda olardyń qyzyldy-jasyldy bannerlerin qoıýdy toqtatýǵa shaqyramyn. Sondaı-aq uıaly baılanys operatorlaryn bonýsy bar tıimdi utys tigýdi usynǵan SMS-ter taratyp, aktsııalardy jarnamalaýdy doǵarýǵa shaqyramyn», - dedi Mıras Tólebaev.

Sondaı-aq, ol tanymal adamdarǵa da qaıyryldy.

«Tanymal adamdardyń bárinen býkmekerlik keńselermen olardyń brendin jarnamalaý týraly kelisimshart jasamaýyn suraımyn. Eger kelisimshart jasap qoısańyzdar, dereý buzýǵa shaqyramyn. Sanalylyq tanytyp, azamattyq jaýapkershilikti túsinýlerińizdi suraımyn. Bankterdi árbir tólemdi taldap, zańsyz býkmekerler men onlaın kazınolarǵa joldanǵan búkil tranzaktsııalardy buǵattaýǵa shaqyramyn. Búkil oqý oryndarynda qumar oıynnyń, bás tigýdiń zııany týraly túsindirý jumystaryn júrgizýge shaqyramyn», - dedi vıtse-mınıstr.