Mınıstrlik qazaqstandyqtarǵa onlaın bankıngtiń parolin jıi aýystyryp turýǵa keńes berdi
«Statıstıka boıynsha, halyqtyń 90%-y ınternet qoldanady. Jelide bolǵan kezde mynadaı saqtyq sharalaryn qaperde ustaý kerek. Eshqandaı jaǵdaıda ózin bank qyzmetkeri nemese quqyq qorǵaý organdarynyń ókili retinde tanystyryp, telefon arqyly nusqaý beretin adamdardyń sózine senbeý kerek. Quqyq qorǵaý organdary eshqandaı arnaıy operatsııany telefon arqyly júrgizbeıdi. Sondyqtan plastık kartanyń rekvızıtteri, aqsha aýdarymyn jasaǵany týraly túbirtekter, kodtar men kilt sózder sııaqty jeke bastyń derekterin eshkimge, tipti bank pen quqyq qorǵaý qyzmetkerlerine de berýge bolmaıdy», - deıdi Jandos Súıinbaı.
Onyń aıtýynsha, jeke derekterdi beıtanys, tekserilmegen saıttarǵa engizýge de bolmaıdy. telefon arqyly berýge bolmaıdy.
«Teksermeı turyp aldyn ala tólem jasaýdan aýlaq bolý qajet. Taýardy alǵannan keıin ǵana aqysyn jiberýge tyrysqan jón. Kúdikti kelisim úshin aqsha aýdarýǵa, tabys kózi ashyq kórsetilmegen qarjylyq shemalarǵa qatysýǵa bolmaıdy. Uıaly telefonǵa tek App Store, Play market arqyly júktelgen qosymshalardy ornatyp, qoldaný qajet», - dedi ІІM ókili.
Sondaı-aq ol beıtanys nómirden kelgen nemese ekranǵa qaıta-qaıta shyǵa beretin spam-habarlamalarǵa jaýap berýge, siltemelerge kirýge bolmaıtynyn eskertti.
«Alaıaqtar kóbinese silteme arqyly ótip tólem jasaýdy usynady. Olaı isteýge bolmaıdy. Bankıng qyzmetine kirý úshin qoıylǵan parolderdi jıi aýystyryp otyryńyz. Bankterdiń ózi usynatyn 3D-qorǵanys qyzmetin paıdalanyńyz. Gadjetke lıtsenzııasy bar antıvırýs baǵdarlamasyn ornatý qajet. Parolderdi kúrdeli etip quryp, paıdalaný kerek. Baılanystyń qaýipsizdigin tekserip baryp kirý qajet. Gadjetterge «baladan qorǵanys» fýnktsııasyn ornatqan artyq bolmaıdy. Internettegi jeke bas derekterin shektep, qupııa derekterdi ınternet arqyly berýden saq bolǵan jón», - dedi ortalyq bastyǵy.
