Mınıstrlik Qazaqstan aýmaǵynan ushqan qupııa nysan týraly aıtty

ASTANA. QazAqparat - QR Qorǵanys mınıstrligi reseılik qurlyqaralyq «Topol» ballıstıkalyq zymyranynyń ushyrylýyna qatysty aqparat boıynsha túsinik berdi, dep habarlaıdy QazAqparat.

Vedomstvo málimetine qaraǵanda, 2017 jylǵy 26 qyrkúıekte saǵat 21:26 kezinde Reseılik Astrahan oblysyndaǵy «Kapýstın ıAr» synaq polıgonynan «Saryshaǵan» polıgony baǵytyna qaraı «Topol» ballıstıkalyq zymyranyn synaq túrde ushyrý iske asyryldy. Osy oraıda Qazaqstannyń áýe keńistigi men jaýyngerlik alańdaryn paıdalaný eskerildi.

Qorǵanys mınıstrliginde qurlyqaralyq «Topol» ballıstıkalyq zymyranynyń synaǵy shtattyq rejımde ótkeni atalap ótti. Zymyran  ushqan traektorııa týraly aqparat jabyq málimet bolyp tabylady.

Aıta keteıik, 21 qyrkúıekte RF Qorǵanys mınıstrligi Memlekettik ushý-synaq ortalyǵynyń basshylyǵy  «Topol» zymyranyn josparly ushyrý týraly QR Qorǵanys mınıstrligin aldyn ala eskertti.

Reseı men Qazaqstan arasynda RF QM Memlekettik ushý-synaq ortalyǵy polıgondarynda Ǵylymı-synaq jumystary jospary kelisilgen, sondaı-aq bul baǵytta atqarylatyn sharalarǵa qatysty tıisti kelisim bar.

Esterińizge sala keteıik, 26 qyrkúıekte saǵat 21:00-den keıin Qostanaı, Atyraý, Ataý qalalarynyń jáne ózge eldi mekenderdiń turǵyndary aspanda ushqan nysannyń sýretin jarııalady.

Keıinnen Qostanaılyqtardy alańdatqan aspandaǵy belgisiz nysan týraly QR Qorǵanys jáne aeroǵarysh ónerkásibi mınıstrliginiń baspasóz qyzmeti resmı habarlama jasady .