Mınıstrlik «EcoQolday» platformasyn qaıta iske qospaq

ASTANA. QazAqparat – Burynǵy «Operator ROP» kompanııasyna qarasty «EcoQolday» jobasy qaıta qolǵa alynady. Bul týraly QR Ekologııa, geologııa jáne tabıǵı resýrstar mınıstrligi qaldyqtardy basqarýda memlekettik saıasat departamenti óndirýshilerdiń (ımporttaýshylardyń) keńeıtilgen mindettemelerin damytý basqarmasynyń basshysy Sábıt Toqmyrzaev málim etti, dep habarlaıdy QazAqparat tilshisi.

Atalǵan platforma qaıta óńdeletin qaptama qaldyqtaryn (makýlatýra, plastık, shyny) jınaý, tasymaldaý jəne qaıta kədege jaratý baǵytyndaǵy kəsipkerler men salada óz bıznesin bastaǵysy keletinderge arnalǵan.

«2022 jylǵa deıin «Operator ROP» kompanııasynyń qyzmeti aıasynda «EcoQolday» platformasy jumys istep keldi. Jyl basyndaǵy ózgeristerge sáıkes kompanııanyń buǵan deıingi qyzmeti óz kúshin joıdy. Osyǵan oraı bizdiń mınıstrlik atalǵan platforma mehanızmin qaıta iske qosýdy qarastyryp jatyr. ıAǵnı arnaıy kásiporyndy sýbsıdııalaý arqyly júzege asyrylady», - dedi Sábıt Toqmyrzaev Astanada ótip jatqan elektrondyq qaldyqtar máselesine arnalǵan ulttyq forýmda.

Eske sala ketsek, bıyl qańtarda Memleket basshysy Úkimetke «Operator ROP» ýtıldik alym jınaýyna tyıym salýyn tapsyrǵan edi.

«Kásipkerler men jalpy qoǵamda «Operator ROP» kompanııasynyń qyzmeti kóptegen suraq týyndatyp otyr. Tipti osy jeke kompanııaǵa qarsy qoǵamdyq qozǵalys ta uıymdastyryldy. Men Úkimetke «Operator ROP» ýtıldik alym jınaýyn ákimshilendirýdi tyıym salýyn tapsyramyn. Munymen shet memleketterdegideı memlekettik uıym aınalysýy kerek. Alymdardyń ózine kelsek, olardyń stavkasy qaıta qaralýy tıis», - degen edi prezıdent.

Sondaı-aq bıyl 1 sáýirde 13 mlrd teńgeni jymqyrdy degen kúdikpen «ÓKM Operatory» JShS burynǵy basqarýshy dırektory ustaldy.