Mınıstrler oblys ortalyqtaryna ǵana emes, aýyldarǵa da barýy kerek – Úkimet otyrysy

NUR-SULTAN. QazAqparat – Búgin Úkimet otyrysynda QR Aqparat jáne qoǵamdyq damý mınıstri Asqar Omarov memlekettik organ basshylary halyqpen kezdesýi kezinde qandaı talaptardy oryndaýy kerek ekenin aıtty, dep habarlaıdy QazAqparat tilshisi.

«Birinshiden, memlekettik organdar kezdesý ótkizý kezinde Jarlyqtyń barlyq talaptaryn saqtap, Kestede bekitilgen merzimderdi ustanyp, Ádistemelik usynymdardy oryndaýy kerek. Ekinshiden, oblys ortalyqtaryna shyǵýmen shektelmeı, aýdandarǵa, aýyldar men kentterge, shalǵaıdaǵy eldi mekenderge barýdy da umytpaý kerek. Mınıstrlikter oblystyq, aýdandyq jáne aýyldyq deńgeıdegi máselelerdi tirkep, sheshýge múddeli ekenin halyqqa túsindirý mańyzdy», - dedi A. Omarov.

Budan buryn habarlanǵandaı, Prezıdenttiń «Ortalyq atqarýshy organdar basshylarynyń halyqpen kezdesýler ótkizý týraly» Jarlyǵy qabyldandy.

Budan buryn habarlanǵandaı, Úkimet basshysy keıbir óńirlerde basshylar halyqpen kezdesýdiń jańa formatyna beıimdelmeı, eski súrleýden shyǵa almaı otyrǵanyn synady.

Úkimet otyrysynda bıyldan bastap ortalyq jáne jergilikti atqarýshy organ basshylarynyń óńirlerge baryp, halyqpen júzbe-júz kezdesý ótkizýdiń jańa tártibi júzege asyrylyp jatqany aıtyldy.

Foto: primeminister.kz