Mınıstr: Kásiporyndar kemshilikti joımaı, aıyppul tóleýdi tıimdi sanaıdy

NUR-SULTAN. QazAqparat – Búgin Senatta ónerkásiptik qaýipsizdikti qamtamasyz etý taqyrybyndaǵy Úkimet saǵatynda QR Tótenshe jaǵdaılar mınıstri ıÝrıı Ilın óndiristerde jıi kezdesetin kemshilikterdi aıtty, dep habarlaıdy QazAqparat tilshisi.

«Buǵan deıin «ArselorMıttal Temirtaý» AQ nysandaryndaǵy ónerkásiptik qaýipsizdiktiń qanaǵattanarlyq emes jaǵdaıyn birneshe márte aıtqan bolatynbyz. Inspektorlar taý-ken jumystaryn júrgizýge, kómir qabattaryn aldyn ala gazdan tazartýǵa baılanysty qaýipsizdik talaptarynyń júıeli túrde buzylatynyn únemi anyqtap júrdi. Tekserýler nátıjesinde sot organdaryna kómir shahtalarynyń qaýipti ýchaskelerinde taý-ken jumystaryn júrgizýdi ýaqytsha toqtatýǵa talap-aryzdar joldandy», - dedi ıÝ. Ilın

Onyń aıtýynsha, tájirıbe júzinde talap-aryzdardy qaraý qorytyndysy boıynsha sotta qaýipti ýchaskelerde jumysty toqtatý týraly sheshim qoldaý tappaǵan. Bul rette tek ákimshilik aıyppuldar salynǵan.

«Sanktsııalar men salynatyn ákimshilik aıyppuldar tekseriletin sýbektilerge qatysty eleýli aýyrtpalyq bolmaıdy. Іs júzinde kemshilikterdi joıýǵa qarjy salǵansha, ákimshilik aıyppul tóleı salý tıimdirek degen úrdis qalyptasty», - dedi vedomstvo basshysy.

Onyń paıymynsha, jaýapkershiliktiń tıisti deńgeıde bolmaýy qadaǵalaý salasyndaǵy is-sharalarǵa teris yqpal etip otyr.

Budan buryn habarlanǵandaı, Tótenshe jaǵdaılar mınıstri «Abaı» shahtasyndaǵy apatqa pikir bildirdi.