Mindetti medıtsınalyq saqtandyrý: Astanalyqtar sáýirde 6,9 mlrd teńge aýdardy

ASTANA. QazAqparat - 2023 jyldyń sáýir aıynda mindetti áleýmettik saqtandyrý (MÁMS) úshin Astana qalasy boıynsha 6,9 mlrd teńgege jýyq jarna aýdaryldy. Jyl basynan bul soma 25,7 mlrd teńgeni quraıdy, dep habarlaıdy QazAqparat Áleýmettik medıtsınalyq saqtandyrý qorynyń elorda fılıalyna silteme jasap.

Astana qalasy boıynsha sáýir aıynda aýdarylǵan 6,9 mlrd teńgeniń 3,9 mlrd teńgege jýyǵy – jumys berýshilerden, 3 mlrd teńgege jýyǵy – jeke kásipkerlerden tústi. Biryńǵaı jıyntyq tólem (BJT) júrgizetin 7578 tóleýshiden 11,2 mln teńge aýdaryldy.

Eske salaıyq, 2022 jyldyń 5 qyrkúıeginen bastap bir jylǵa aldyn ala jarna tóleý arqyly MÁMS júıesine qatysýdyń jańa tetigi iske qosyldy. Ony «saqtandyrylǵan» mártebesi bar, sondaı-aq júıege eshqashan tólem jasamaǵan nemese júıesiz tólem jasaǵan barlyq derbes tóleýshiler paıdalana alady.

Kez kelgen suraq boıynsha habarlasýǵa bolatyn tetikter:

- Qoldau 24/7 mobıldi qosymshasy
- @saqtandyrybot telegramboty
- 1406 baı̆lanys ortalyǵy
- Qordyń fms.kz saı̆ty.