«Mindetter naqtylanyp, mejeler belgilendi»- respýblıkalyq basylymdarǵa sholý
***
«Egemen Qazaqstan» basylymy búgingi sanynda «Mindetter naqtylanyp, mejeler belgilendi» degentaqyryppen maqala jarııalady. Onda Úkimet basshysy Kárim Másimovtiń Memleket basshysy alǵa qoıǵan tapsyrmalardy oryndaý úshin Ekonomıkalyq damý jáne saýda mınıstri Qaırat Kelimbetovtyń aldyna eki apta ýaqyt ishinde árbir sala úshin ekonomıkalyq ósim deńgeıin belgileýdi jáne ekonomıkanyń árbir salasyna jaýapty mınıstrlikter men ákimdikterdi anyqtaýdy tapsyrdy. Al Indýstrııa jáne jańa tehnologııalar mınıstrligine osy aıdyń sońyna deıin Indýstrııalandyrý kartasyn naqtylaýdy júktedi.
Sondaı-aq atalmysh basylym betinde «Bıotehnologııa - bolashaqtyń ǵylymy» atty maqala basyldy. Onda sońǵy 10 jyl ishinde elimiz ekonomıkany ındýstrııalandyrýdy ǵana emes, aqyl-oıǵa júginetin ınnovatsııalyq damýdy da qolǵa alǵandyǵy aıtylady. Sodan beri kóptegen jumystar atqyrylyp, alǵashqy nátıjeler kóp kúttirmeı qolǵa tıe bastaǵan. Osy máselege qatysty Ulttyq bıotehnologııalar ortalyǵynyń bastyǵy Erlan Ramanqulovtyń oı-pikirlerin «Egemen Qazaqstan» basylymynyń búgingi sanynan bilýge bolady.
***
«Aıqyn» basylymy búgingi sanynda «Berel qorǵany qashan ashyq aspan astyndaǵy murajaıǵa aınalady?» atty taqyrypta maqala usynyp otyr. Onda Shyǵys Qazaqstan oblysynyń Katonqaraǵaı aýdanyndaǵy Berel qorǵanyna qatysty qalyptasqan másele jóninde jazylǵan. Basylymnyń habarlaýynsha, qundylyǵy jaǵynan teńdessiz kóne qorǵandardy aıtpaǵannyń ózinde, bul jer - qazaqty álemge tanytýǵa laıyq, halyqaralyq týrızmge suranyp turǵan aımaq. Tabıǵaty asa sulý, qaraǵaıly qalyń orman, shúıgin shóp, asaý ózen, densaýlyqqa asa shıpaly Rahman qaınar bulaqtary bar, maral sharýashylyǵy damyǵan degendeı. Osyndaı 186 gektar aýmaqty alyp jatqan berekeli jer áli kúnge qorshalmaǵan kúıinde jatyr. Jazda bolmasa, ol jaqqa qysta jol jabyq ekeni belgili. Al qorǵandarǵa aparatyn jol nashar, asfalttalmaǵan. Jetý ońaı emes. Bul týraly «Aıqyn» basylymynyń búgingi sanynan keńirek bilýge bolady.
Sondaı-aq osy basylym «Qoımadaǵy júz keli esirtki qoldy boldy» degen taqyryppen materıal basyp, elimizde oryn alǵan keleńsiz oqıǵa jóninde jazady. Basylymnyń málimetterinshe, 17 naýryz kúni Soltústik Qazaqstan oblystyq ishki ister departamentiniń senim telefonyna belgisiz bireý habarlasyp, esirtkiniń asa iri partııasy Reseıge jóneltilgeni týraly jetkizgen. «Dereý atqa qonǵan polıtseıler esirtki tasymaldaýshyny Qaraǵandy - Omby tas jolynda ustap, bes qapqa nyǵyzdalǵan marıhýanany tárkilegen eken. Bas Prokýratýranyń málimetine qaraǵanda, esirtki 31 naýryzda joıylýy tıis bolǵan. Oǵan deıin esirtki Petropavl ishki ister departamentindegi qoımada jatqan.
Eger belgilengen kúni esirtkini órteý arqyly joıǵan kúnde, eshqandaı shý shyqpas edi. Alaıda esirtkini joıý protsedýrasy aıaq astynan toqtatylyp, oblys prokýrorynyń buıryǵy boıynsha marıhýana salynǵan bes qap prokýratýraǵa jetkiziledi»,-dep jazady basylym tilshileri. Bul týraly «Aıqynnyń» búgingi sanynda.
***
«Alash aınasy» búgingi sanynda «Óskemendegi óner kolledji óz tilimizge qashan moıyn burady?» atty maqala jarııalady. Óskemendegi halyq ártisteri aǵaıyndy Abdýllınder atyndaǵy Shyǵys Qazaqstan óner kolledjiniń shańyraq kótergenine bıyl 65 jyl tolady. «Jarty ǵasyrdan astam ýaqyt muǵdarynda kıeli shańyraq jas daryndy qas darynǵa aıynaldyrý jolynda aıanǵan emes. Degenmen bir qaraǵanda, bilikti ustazdar bas qosqan, bilimdi shákirt jıylǵan osy bir óner ordasynda memlekettik tildiń ahýaly múshkil degenge sengiń kelmeıdi. Biraq aqıqaty - osy»,-delingen maqalada.
Sondaı-aq osy basylymǵa suhbat bergen QR Ulttyq ınjenerlik akademııasynyń akademıgi, tehnıka ǵylymynyń doktory, professor Meńlibaı Myrzahmetovtyń aıtýynsha, buryn qurylys salasynda 27 mamandyq daıyndalatyn. Aýyldyq qurylys, ónerkásip qurylysy, azamattyq qurylys, áýejaı, temirjol salý qurylysy - bári-bári bólek zerttelip, jeke dara oqytylatyn. Qazir sonyń barlyǵyn ákeldi daǵy «qurylys» degen ataýmen bir júıege túsirdi. Sonyń saldarynan kommýnaldyq, sý sekildi basqa da sharýashylyqtardyń mamandary joıylyp ketti. Ǵalymnyń tehnıka salasyndaǵy oı-pikirleri jóninde tolyǵyraq bilgińiz kelse, «Alash aınasy» basylymynyń búgingi sanyndaǵy «Aldaǵy 20-30 jylda sýdyń baǵasy janar maı baǵasyna teńelýi múmkin» degen suhbatty oqyńyz.
***
«Kazahstanskaıa pravda» basylymy búgingi sanynda «Po novomý ýchıt ı staroe ne zabyvat» atty maqala jarııalady. Onda «Grand Park Esil» qonaq úıinde ótken ǵylymı-tájirıbelik konferentsııada kóterilgen máseleler jóninde jazylǵan. Atalmysh konferentsııany ashqan mádenıet mınıstrliginiń til komıtetiniń tóraǵasy Baýyrjan Omarov memlekettik tildi meńgerýde ınnovatsııalyq ádisterdiń mańyzdy ekenin atap kórsetti. Óıtkeni Memleket basshysy óz Joldaýynda memlekettik tildi damytýǵa qatysty birqatar mindetterdi kóterip, 2017 jyly qazaq tilin meńgergen qazaqstandyqtar sanynyń 80 paıyzǵa jetýi qajettigin atap kórsetti. B.Omarovtyń sózine qaraǵanda, memlekettik tildi meńgergenderdiń aldyńǵy qatarynda memlekettik qyzmetshiler turýy kerek.
