Mılad Karımı Horvatııadaǵy Álem kýbogynda fınalǵa joldama aldy
ASTANA. KAZINFORM — Gımnast Mılad Karımı Horvatııada ótip jatqan Álem kýbogynyń irikteý kezeńinen sátti ótip, fınalǵa joldama aldy, dep habarlaıdy UOK baspasóz qyzmeti.
Sporttyq gımnastıkadan Horvatııanyń Osıek qalasynda ótip jatqan Álem kýbogynyń kezeńinde Qazaqstan quramasynyń ókili Mılad Karımı fınalǵa shyqty.
Sportshy kermedegi jattyǵýda irikteý kezeńinen sátti ótip, fınalǵa joldama aldy. Іrikteý barysynda Karımı ekinshi nátıje kórsetip, 14,166 upaı jınady.
Aıta keteıik, buǵan deıin ol erkin jattyǵýlar baǵdarlamasy boıynsha da fınalǵa ótken bolatyn. Al at snarıadyndaǵy jattyǵýlarda Narıman Qurbanov pen Zeınolla Ydyrysov júlde úshin kúresedi.
Fınaldyq básekeler 12-13 sáýir aralyǵynda ótedi.
Osyǵan deıin Memleket basshysy «Barys» hokkeı klýbynyń balalar men jasóspirimder komandasy oıynshylary ata-analarynyń shaǵymyna nazar aýdarǵany habarlandy.