Mıhaıl Kýkýshkın úshin Frantsııadaǵy jarys sátti bastaldy

ASTANA. KAZINFORM – Qazaqstandyq tennısshi, álemniń 266-raketkasy Mıhaıl Kýkýshkın Sen-Brıe (Frantsııa) chellendjer týrnıriniń ekinshi aınalymyna shyqty.

Qazaqstandyq tennısshi alǵashqy aınalymda álemniń 266-raketkasy, ulybrıtanııalyq Djordj Loffagenge tap keldi.

Birinshi partııada Kýkýshkın breık jasap, 1:0 esebimen alǵa shyqqannan keıin Loffagen matchty jalǵastyrýdan bas tartty. 

Mıhaıl shırek fınalǵa shyǵý úshin frantsııalyqtar, álemniń 95-inshi, osy jarystyń 2-raketkasy Ýgo Gaston nemese reıtıngide 268-oryndaǵy Sasha Geımardtyń qaı jeńgenimen talasady. 

Taǵy bir qazaqstandyq, reıtıngide 92-satydaǵy Aleksandr Shevchenko Dýbaı ATP 500 týrnıriniń alǵashqy aınalymynda álemniń 16-raketkasy, reseılik Karen Hachanovtan óte almady – 7:6 (7:5), 2:6, 3:6.

Qazaqstannyń birinshi, álemniń 10-raketkasy Aleksandr Býblık ekinshi aınalymda reıtıngide 25-oryndaǵy nıderlandylyq Tallon Grıkspýrmen oınaıtyn boldy. 

Eske sala keteıik, budan buryn Aleksandr Býblıktiń jekeleı synda Dýbaıdaǵy týrnırdiń ekinshi aınalymyna ótkenin jazǵan edik.