Microsoft TikTok-ty satyp alýǵa qyzyǵýshylyq tanytyp otyr – Tramp

ASTANA. KAZINFORM – Prezıdent Donald Tramp Microsoft korporatsııasy TikTok áleýmettik jelisiniń amerıkalyq bólimshesin satyp alý boıynsha kelissózder júrgizip jatqanyn málimdedi.

Yqtımal satyp alý zań shyǵarýshylardyń TikTok-tyń Qytaı úkimetimen baılanysy týraly kótergen alańdaýshylyǵyn seıilte alady, bul sheteldik derjavaǵa paıdalanýshylardyń derekterine qol jetkizýge jáne amerıkalyqtarǵa áser etýge múmkindik beredi, dep habarlaıdy News Week. 

Keıbir málimetke sáıkes, TikTok-tyń bas kompanııasy ByteDance qosymshany 200 mlrd dollarǵa baǵalap otyr.

Mámile amerıkalyq kompanııanyń TikTok-ty baqylaýyna alýyna jaǵdaı jasaıdy, bul ByteDance qosymshasynyń tolyq satylýyn talap etetin zań shyǵarýshylardy alańdatpaıdy. 

Buǵan deıin prezıdent Tramp TikTok-qa tyıym salýdy keıinge qaldyrǵanyn jazǵan bolatynbyz.