Microsoft Skype-ty túbegeıli jabatyn boldy

ASTANA.KAZINFORM  - Amerıkalyq Microsoft kompanııasy mamyr aıynan bastap Skype qyzmetin  toqtatpaqshy, dep jazady TASS.

Buǵan XDA Developers portaly nazar aýdardy.

Onyń aıtýynsha, sońǵy jańartýda paıdalanýshylardy Teams qyzmetine aýysýǵa shaqyrǵan.

- Skaıp mamyr aıynan bastap qoljetimsiz bolady. Qońyraýlar men chattar úshin Teams qoldanbasyn paıdalanyńyzdar, - delingen habarlamada.

Skype platformasy 2003 jyly iske qosyldy jáne ony 2011 jyly Microsoft satyp aldy. Portal 2017 jyly Microsoft Skype-qa uqsas Teams platformasyn iske qosty. Sodan beri kompanııa bul qyzmetti barynsha alǵa jyljytýǵa kúsh saldy.

XDA Developers atap ótkendeı, Microsoft qazirgi ýaqytta buǵan túsinik berýden bas tartyp otyr.

Buǵan deıin Microsoft jasandy ıntellekti bar derekter ortalyǵyna 80 mıllıard dollar ınvestıtsııa salatyny habarlanǵan bolatyn. 

Microsoft TikTok-ty satyp alýǵa qyzyǵýshylyq tanytyp otyr.