MI-8 tikushaǵynyń apaty: Aqtóbede áli tergeý júrip jatyr

AQTÓBE. KAZINFORM – Іs Qylmystyq kodekstiń «Ushý nemese oǵan daıyndalý qaǵıdalaryn buzý» baby boıynsha qozǵalǵan. Tergeýdiń júrip jatqanyna 10 aıdan asty.

QR Bas áskerı prokýratýrasy MI-8 tikushaǵynyń apatqa ushyraýyna qatysty tergeýdiń jalǵasyp jatqanyn habarlady.

- QR Іshki ister mınıstrliginiń Batys óńirlik áskerı-tergeý basqarmasy Qylmystyq kodekstiń 464-babynyń 2-bóligi boıynsha sotqa deıingi tergep-tekserý júrgizip jatyr. Sotqa deıingi tergep-tekserý barysynda júrgizilgen keshendi tergeý áreketteriniń nátıjeside túpkilikti protsestik sheshim qabyldanady. Qylmystyq is júrgizý kodeksiniń 201-babyna sáıkes sotqa deıingi tergep-tekserýdiń basqa da derekteri jarııa etýge jatpaıdy,- dep habarlady QR Bas áskerı prokýratýrasy Kazinform saýalyna.

Eske salsaq, Qylmystyq kodekstiń «Ushý nemese oǵan daıyndalý qaǵıdalaryn buzý» babyndaǵy abaısyzda adam ólimine ákep soqqan is-áreketter bóliginde 4 jylǵa deıin bas bostandyǵyn shekteý nemese sol merzimge bas bostandyǵynan aıyrý jazasy qarastyrylǵan. Alaıda bul qylmystyq iste naqty kim kúdikti ekeni belgisiz.

Eske salsaq, 9 qarashada Aqtóbe oblysy Mártók aýdany aýmaǵynda tikushaq apatqa ushyrap, janyp ketti.

Bortta úsh adam bolǵan. Onyń bireýi oqıǵa ornynda kóz jumdy.

Keıinnen Aqtóbede tikushaq apatyna baılanysty qylmystyq is qozǵaldy.

Al Aqtóbe oblysynyń ákimdigi Mártók aýdany Saryjar aýyly mańynda bolǵan tikushaq apatynan zardap shekkenderge kómek kórsetetinin málim etti.

Birer kúnnen keıin Qorǵanys mınıstriniń orynbasary Aqtóbe oblysynda tikushaq apatyna qatysty túsinik berdi. Ol basty nusqa retinde tehnıkalyq aqaý qarastyrylyp jatqanyn aıtty.