Meıramhanada qyzdardy uryp-soqqan Almaty ákimdiginiń qyzmetkeri jumystan qýyldy

ALMATY. KAZINFORM – Almaty meıramhanalarynyń birinde qyzdardy uryp-soqty dep aıyptalǵan Dilmurat Omarovqa qatysty qala ákimdigi túsinikteme berdi.

Almaty qalasy ákimdiginiń baspasóz qyzmeti atap ótkendeı, Dilmurat Omarov 2022 jyldyń qarashasynan beri Almaty qalasy Jastar saıasaty máseleleri basqarmasynyń bas mamany qyzmetin atqarǵan.

«Atalǵan jaǵdaıdan keıin D.Omarov bıyl 19 aqpanda óz erkimen jumystan bosatý týraly aryz berip, ótinishti kadr qyzmeti qabyldap, QR «Memlekettik qyzmet týraly» qaýlysymen D.Omarov qyzmetinen bosatyldy», - dep habarlady qalalyq ákimdikten.

Almaty qalalyq polıtsııa departamenti jaraqat faktisi boıynsha sot-medıtsınalyq saraptama taǵaıyndaǵanyn málimdedi.

«Er adam ustaldy. Onyń áreketine quqyqtyq baǵa beriledi. Sheshim qabyldaý úshin is sotqa jiberiledi», - dep habarlady Almaty qalalyq polıtsııa departamentiniń baspasóz qyzmetinen.