Meıram Qajyken Semeı medıtsınalyq ýnıversıtetinde boldy

SEMEI. QazAqparat - QR Prezıdenttigine kandıdat Meıram Qajyken úgit-nasıhat naýqany aıasynda Semeı medıtsınalyq ýnıversıtetinde boldy, dep habarlaıdy QazAqparat kandıdattyń shtabyna silteme jasaı otyryp.

Atalǵan ýnıversıtet Pavlodar men Óskemende óz aýrýhanasy men fılıaldary bar eldegi eń iri medıtsınalyq joǵary oqý oryndarynyń biri. Nysan 1953 jyly qurylǵan.

Rezıdent dárigerler jáne professor-oqytýshylarmen kezdesýde kandıdat óziniń saılaýaldy baǵdarlamasyn tanystyrdy.

Buǵan deıin Meıram Qajyken «Semeı ınjınırıng» zaýytynyń jumysshylarymen kezdeskenin habarlaǵan edik.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.