Metapnevmovırýsy Qazaqstanda da taralyp jatyr

Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti álemde metapnevmovırýstyń taralýy týraly BAQ-taǵy sońǵy jańalyqtarǵa oraı málimdeme jasady.

Monıtorıngke sáıkes epıdemııalyq maýsymnyń basynda respýblıka boıynsha tumaýǵa qarsy emes vırýstarǵa 8 myńnan asa úlgi zerttelgen. Onyń ishinde 22% - oń, onyń ishinde paragrıpp – 9%, MS vırýsy – 23%, rınovırýs – 36%, bokavırýs – 6%, adenovırýs – 12%, koronavırýs – 11%, metapnevmovırýs – 1,6%.

Metapnevmovırýs – bul kóptegen elderde, sonyń ishinde Qazaqstanda, JRVI jáne tumaý aýrýlarynyń maýsymdyq órleý kezeńinde belsendi aınalymda bolatyn, negizinen aýa-tamshy jolymen beriletin ınfektsııalardyń basqa túrlerimen qatar aınalymdaǵy klassıkalyq vırýstardyń biri.

- Qazirgi ýaqytta Qazaqstanda, búkil álemdegideı JRVI jáne tumaýmen syrqattanýshylyqtyń maýsymdyq ósýi tirkelýde. Aǵymdaǵy epıdemıologııalyq maýsymnyń basynan beri respýblıkada JRVI-men syrqattanýshylyqtyń 20%-ǵa tómendeýi baıqalady, tumaýmen syrqattanýshylyq ótken epıdemıologııalyq maýsym kezeńimen salystyrǵanda burynǵy deńgeıde qaldy, - dep jazdy vedomstvodan.

Komıtet halyqty aldyn alý sharalaryn saqtaýǵa jáne adamdar kóp jınalatyn jerlerde baılanystardy shekteýge shaqyrady, bul ásirese sozylmaly aýrýlary bar halyqtyń eń osal toptaryna qatysty.

- Aýrýdan saqtaný úshin úı-jaılardy únemi jeldetip otyrý, naýqas adamdarmen baılanysyn shekteý, olardy oqshaýlaýdy qamtamasyz etý, tumaý jáne JRVI belgileri paıda bolǵan kezde balalardy úıde qaldyrý jáne uıymdasqan ujymdarǵa (mektepke deıingi uıymdar, mektepter) jibermeý asa mańyzdy. Eger aýrýdyń belgileri paıda bolsa, ýaqtyly medıtsınalyq kómekke júgingen abzal, - dep eskertti SES-ten.