Merekelik tartý: Sandyqtaýda aýyl sharýashylyǵy kesheni jáne irimshik tsehy iske qosyldy
Aýdan ákiminiń baspasóz hatshysy Rabıǵa Muqanovanyń málimetinshe, qazirgi ýaqytta nysanda jalpy aýdany 7000 sharshy metr bolatyn 2 angar, 2 mehanıkalyq toqtyń, astyq ólsheıtin nysannyń qurylysy, sondaı-aq, asfalt tóseý jumystary aıaqtalýǵa jaqyn.
Seriktestik dırektory Natalıa Tambovtsevanyń aıtýynsha, nysan aǵymdaǵy jyldyń úshinshi toqsanynda jumysqa daıyn bolady.
«Jobanyń quny 285 mıllıon teńgeni quraıdy. Qurylys jumystarynan 20 adam tartylyp otyr. Aldaǵy ýaqytta kásiporyn 15 adamdy turaqty jumyspen qamtamasyz etedi», - deıdi Natalıa Tambovtseva.
Sonymen qatar, aýdanda «Nurly Abat»JShS-de irimshik óndirý tsehy jumysyn bastady.
Kásiporyn basshysy Nurlybek Nysanbaevtyń aıtýynsha, kásiporyn qyzmetiniń negizgi túri - sút óńdeý jáne irimshik óndirý. Munda táýligine 3 tonna shıkizat óńdeledi.
«Qazirgi ýaqytta tseh 50 paıyzǵa júktelgen. Separator, bólshekteý ústeli, irimshik qaınatýǵa arnalǵan ydystar, zerthana, sút qabyldaý pýnkti, tońazytqysh jabdyǵy bar qoıma bólmesimen jabdyqtalǵan», - deıdi seriktestik basshysy.
