Merekede jedel járdem qyzmetine qaı óńirden kóp shaqyrtý tústi

Ótken jyldyń sońǵy eki kúninde el boıynsha jedel medıtsınalyq járdem pýltine turǵyndardan 56 myń shaqyrtý kelip tústi, dep habarlaıdy Kazinform.   

Onyń ishinde 1-3 shuǵyl sanattaǵy shaqyrtýlar 34 myń bolsa, 4 sanat boıynsha 22 myń shaqyrtý túsken.

Densaýlyq saqtaý mınıstrliginiń málimetinshe, eń kóp shaqyrtý Almaty qalasynan – 5800, Almaty oblysynan 5000-nan astam, Túrkistan oblysynan 460-tan astam jáne Astana qalasynan 4000-nan astam, Shymkent qalasynan 3000-nan astam shaqyrtý boldy.

Jalpy, osy kúnderi 150 myńnan astam halqy bar eldi mekenderdegi kópbeıindi aýrýhanalardyń janyndaǵy 80 travmatologııalyq pýnkt shuǵyl travmatologııalyq kómek kórsetedi.

150 myńnan az halqy bar eldi mekenderde aýdandyq (166), qalalyq (75) aýrýhanalardyń qabyldaý bólmelerinde shuǵyl travmatologııalyq kómek kórsetiledi.

Jańa jyldyq merekelerde el halqyna jedel medıtsınalyq kómek kórsetý úshin bir aýysymda 1 503 JMK brıgadasy, onyń ishinde 273 brıgada mamandandyrylǵan (dárigerlik) jáne 1 230 feldsherlik brıgada jumys isteıdi.

MSAK uıymdarynda 4 sanattaǵy shaqyrtýlarǵa qyzmet kórsetý úshin 464 brıgada jumys isteıtin bolady.