Mereke kúnderi elorda turǵyndary men qonaqtary kúsh synasady

ASTANA. 30 tamyz. QazAqparat - 30-31 tamyzda Astanada QR Konstıtýtsııa kúnine oraı buqaralyq sport jarystary uıymdastyrylady. Oǵan qalanyń barlyq turǵyndary men qonaqtary qatysa alady.

Bul týraly astana.kz saıtyna elordalyq Týrızm, dene shynyqtyrý jáne sport basqarmasynan habarlady.

Eki kún boıy «Báıterek» monýmentiniń aldyndaǵy alańda jáne «Stýdentter saıabaǵynda» mádenı-buqaralyq sharalar ótedi, ásirese, sporttyq jarystarǵa basa nazar aýdarylady.

30 tamyzda ákimdik aldyndaǵy alańda qazaq kúresi, gir kóterý, darts, toǵyzqumalaqtan jarystar uıymdastyrylady. Al 31 tamyzda armrestlıng, arqan tartý, doıbydan saıystar ótip, dzıýdo men sambo sportshylary óner kórsetedi.

30 tamyzda «Stýdentter saıabaǵynda» sportshylar akademııalyq esý, baıdarkamen jáne kanoemen esý, strıtbol, buqa tartys, gir kóterýden baq synasady. 31 tamyzda darts, asyq atý, armrestlıng, akademııalyq esý, baıdarkamen jáne kanoemen esý jarystary jalǵasady.

Búgin «Báıterek» monýmentiniń aldyndaǵy alańda arqan tartý, asyq atý, shahmat, armrestlıng jarystary ótedi. Erteń qatysýshylar gir kóterý, buqa tartys, toǵyzqumalaq oınaıdy.

Barlyq sporttyq is-sharalar saǵat 10.00-19.00 deıin ótedi.