Mereke kúnderi hırýrgtar úsh donorlyq aǵzany transplanttady
ASTANA. KAZINFORM – Eldiń ár túkpirinen kelgen úsh patsıentke bir aǵza donorynyń eki búıregi men júregi transplantattaldy.
Mereke aldyndaǵy kúni Ulttyq ǵylymı onkologııa ortalyǵy men Astana qalasynyń Kardıohırýrgııalyq ortalyǵynyń transplantologtary, kardıohırýrgtary, anestezıologtary men meıirgerleri quramyndaǵy joǵary bilikti dárigerler toby sanavıatsııa bortynda Pavlodar oblysyna keldi.
Sonymen qatar, Astana qalasynda kútý paraǵynda turǵan baǵdarlamamen iriktelgen retsıpıentter qosymsha taldaýlar tapsyrý úshin shaqyryldy.
«Medıtsınalyq zerttep-qaraýdan ótý nátıjesi boıynsha jáne komıssııanyń sheshimi boıynsha 26 jastaǵy retsıpıent anyqtaldy. Ol búırektiń V termınaldy satysy dıagnozymen 6 jyl boıy gemodıalızde bolǵan.
Astana qalasyndaǵy Ulttyq ǵylymı onkologııa ortalyǵynda dárigerler eresek patsıentke kadaverlik búırekti transplantattaýdy sátti júrgizdi», — delingen Densaýlyq saqtaý mınıstrliginiń málimetinde.
Retsıpıent palataǵa aýystyryldy, búgingi kúni onyń jaǵdaıy jaqsy. Búırek tolyq jumys istep tur.
Ekinshi búırek balaǵa Astanadaǵy Ana men bala ortalyǵynda transplantattaldy.
Úshinshi aǵza — júrekti transplantattaý Kardıohırýrgııalyq ortalyqta júrgizildi.
