Mereke kúnderi aýa raıy qandaı bolady

ASTANA. KAZINFORM — «Qazgıromed» RMQ aldaǵy kúnderge arnalǵan aýa raıy boljamyn jarııalady. 

Sınoptıkterdiń boljamynsha, Respýblıkanyń basym bóliginiń aýa-raıyn Skandınavııa túbeginiń aýdandarynan tsıklon qalyptastyrady, onymen aýa-raıynyń turaqsyz sıpaty kútiledi.

Elimizdiń soltústik-batysynda, soltústiginde, ortalyǵynda jáne shyǵysynda qar, burqasyn, 1-2 qańtarda qatty ekpindi jel, batysta, ońtústik-batysta, respýblıkanyń ońtústik, ońtústik-shyǵys óńirlerinde jaýyn-shashyn bolady (jańbyr, qar), kóktaıǵaq bolady deı kútiledi.

31 jeltoqsanda elimizdiń ońtústiginde, ońtústik-shyǵysynda taýly aımaqtarda qatty jaýyn-shashyn (jańbyr, qar) bolady dep boljanǵan. Qazaqstan boıynsha jel kúsheıip, tuman túsedi dep kútiledi.

Elimizdiń basym bóliginde aýa temperatýrasy: túnde batysta 5 gradýs aıaz-5 gradýs jyly, kúndiz 3 gradýs aıaz -10 gradýs jyly, soltústik-batysta, soltústikte, ortalyqta, shyǵysta túnde 2-13 gradýs aıazǵa deıin, kúndiz 7 gradýs aıaz -2 gradýs jyly, shyǵysta túnde jáne kúndiz 0-8 gradýs aıazǵa deıin joǵarylaýy kútilýde, ońtústikte, ońtústik-shyǵysta temperatýralyq fonda kúrt ózgerister kútilmeıdi.