Mereke qarsańynda elorda turǵyndarynyń Ata zań boıynsha bilimi tekseriledi

ASTANA. 26 tamyz. QazAqparat - Erteń elordada Konstıtýtsııa kúnine oraı «QR Konstıtýtsııasyn bilesiń be?» aktsııasy ótedi. Bul týraly astana.kz saıtyna qalalyq Jastar saıasaty máselesi basqarmasynan habarlady.

«Konstıtýtsııa kúni» jazýy bar fýtbolkalar kıgen «Basis» ÚEU Resýrstyq ortalyǵy» QB belsendileri men eriktileri jolaýshylardyń Qazaqstan Respýblıkasynyń Konstıtýtsııasy boıynsha jáne ony qabyldaýmen baılanysty sátter týraly bilimin tekseredi. Aktsııaǵa qatysqandardyń barlyǵyna áshekeıler men magnıtter syılyqqa beriledi»,- dep habarlady astana.kz saıtyna basqarmadan.

Іs-shara S.Seıfýllın jáne Sh.Ýálıhanov kósheleriniń qıylysynda ótedi.

Eske salaıyq, «Basis» ÚEU Resýrstyq ortalyǵy» QB elordalyq Jastar saıasaty máseleleri basqarmasynyń qoldaýymen «2011-2013 jyldary Astana qalasyndaǵy quqyqbuzýshylyqtyń aldyn alý» baǵdarlamasy aıasynda «Men jáne Zań» is-sharasyn uıymdastyrý» jobasyn júzege asyrýda. Jyl basynan beri quqyq qorǵaý organdarymen birge kóńil kóterý oryndarynda birlesken reıdter ótkizilip, jasóspirimder arasynda quqyqbuzýshylyqtardyń aldyn alý boıynsha aktsııalar uıymdastyryldy.