Menıngokokke qarsy vaktsınany kimder qymbattatqany belgili boldy

ASTANA. QazAqparat - QR Bas memlekettik sanıtarııalyq dárigeri Jandarbek Bekshın menıngokokke qarsy vaktsınanyń ózindik qunyn atady, dep habarlaıdy QazAqparat tilshisi.

«Bul kommertsııalyq vaktsına jáne ol úlken jáne kishi qajylyqqa baratyndarǵa arnalǵan edi. 4600 doza ákelinip, 22 500 teńgeden satylǵan. Alaıda, qajylyq tamyz aıynda ótetin bolǵandyqtan bul vaktsına naryqqa shyǵaryldy», - dedi Jandarbek Bekshın Ortalyq kommýnıkatsııalar qyzmetindegi brıfıngten keıin agenttik tilshisiniń saýalyna oraı.

Onyń aıtýynsha, qazir taǵy da vaktsına jetkizilip, olar densaýlyq saqtaý basqarmalary arqyly qalalyq emhanalarǵa jetkiziletin bolady.

«Olarda ekpe jasaıtyn kabınetter bolǵandyqtan shyǵyndardy qysqartýǵa múmkindik bar. ıAǵnı, shprıts pen maqta shyǵyny qosylyp, ústeme baǵasy azaıady. Birinshi partııany jeke uıymdar satyp alǵannan jáne olar tapshylyqty paıdalanyp baǵany ózderi qoıyp otyr. Al vaktsınanyń ózindik quny 17500 teńgeni quraıdy», - dedi Bas sanıtar dáriger.

Búgin Úkimet otyrysynda Premer-Mınıstr Baqytjan Saǵyntaev Densaýlyq saqtaý mınıstrligine menıngokokke qarsy vaktsına baǵasyn tómendetýdi tapsyrǵan bolatyn.

Aıta keteıik, jyl basynan beri Qazaqstanda menıngıt ınfektsııasymen 58 naýqas tirkeldi. Olardyń 18-i 14 jasqa deıingi balalar. Dertten 13 adam kóz jumdy, sonyń ishinde beseýi 14 jasqa deıingi jetkinshekter ekendigin belgili.