Menıngokokk ınfektsııasyna jyl basynan 84 adam shaldyqty - mınıstrlik
QR Densaýlyq saqtaý mınıstrligi menıngokokk juqpasy boıynsha eldegi ahýal týraly málim etti.
«2018 jyldyń basynan menıngokokk ınfektsııasynyń 84 jaǵdaıy tirkeldi. Onyń ishinde 69 adam aýrýhanadan shyǵarylǵan, 15 jaǵdaı ólimmen aıaqtaldy. Búgingi kúni menıngokokk ınfektsııasyna qaýippen Pavlodar oblysynda statsıonarda 1 naýqas jatyr», - delingen vedomstvo habarlamasynda.
16 qazandaǵy jaǵdaı boıynsha menıngokokk ınfektsııasyn juqtyrýdyń jańa jaǵdaılary anyqtalmaǵan. Bul rette mınıstrlik jalpy epıdemıologııalyq kezeńde Qazaqstannyń ár aýmaǵynda naýqastanýdyń jekelegen jaǵdaılary tirkelip jatqanyn atap ótti.
«Qazirgi ýaqytta respýblıkada menıngokokk ınfektsııasynyń jekelegen sporadııalyq jaǵdaılary tirkelýde. Epıdemııaǵa qarsy is-sharalar jalǵasýda», - dedi Densaýlyq mınıstrliginen.
Menıngıt - mı jáne julyn qabyqshasynyń qabynýy. Paıda bolý sebebi boıynsha úsh negizgi topqa bólinedi - menıngokokkty, irińdi jáne serozdy menıngıtter.
Menıngokokkty ınfektsııa - menıngokokk týǵyzatyn jiti ınfektsııalyq aýrý jáne bakterıaldy menıngıtke jatady. Aýrý aýa-tamshy jolymen (jótelgende, túshkirgende, sóıleskende) taraıdy.
Menıngokokkty menıngıtpen aýyratyn naýqastar aınaladaǵy adamdarǵa ınfektsııalyq qaýip tóndiredi. Sebebi bul aýrý aýyr túrde ótedi, sondaı-aq naýqas jótelgende, túshkirgende syrtqy ortaǵa qozdyrǵyshty belsendi túrde bóledi.
Іrińdi menıngıtke shaldyqqandar qaýip tóndirmeıdi. Sebebi naýqas aýrýdyń osy satysynda syrtqy ortaǵa qozdyrǵyshty bólmeıdi. Іrińdi menıngıt - mı qabyqshasynyń irińdi qabynýy. Ádette uzaqqa sozylatyn lor-aǵzalardyń ınfektsııasynan (jedel jáne sozylmaly irińdi otıt, sınýsıt - gaımorıt, frontıt) paıda bolady.
Vırýs týdyratyn serozdy menıngıt enterovırýstardan, epıdemııalyq parotıtten, sondaı-aq vırýstardyń basqa da túrlerinen paıda bolady. Vırýsty serozdy menıngıtter menıngokokkty jáne irińdi menıngıtke qaraǵanda qolaıly aǵymmen erekshelenedi. Olardyń asqyný jáne ólimmen aıaqtalatyn jaǵdaılary sırek kezdesedi. Vırýs sý, kókónis, jemister, tamaq ónimderi, las qol arqyly beriledi. Adamdar kóp jınalǵan kezde aýa-tamshy jolymen berilýi múmkin. Juqtyrý sý qoımalarynda jáne júzý basseınderinde shomylý kezinde jıi kezdesedi.
Aldyn alý sharalary:
- syrqattyń (tamaq qyzarý, dene qyzýynyń kóterilýi, bastyń aýyrýy, álsizdik) alǵashqy belgileri paıda bolǵan kezde dárigerge júginý;
- ártúrli mádenı-kópshilik is-sharalarǵa qatysýdy, júzý basseınderine, saýda-oıyn-saýyq ortalyqtaryndaǵy oıyn alańdaryna barýdy shekteý, jeke gıgıenany saqtaý;
- uıymdastyrylǵan ujymdarda bólmeni jıi jeldetý, kún saıyn ylǵaldy tazalaý jumystaryn júrgizý;
- tek qaınaǵan nemese bótelkedegi sýdy qoldaný;
- salqyn tııýdi, ashyǵýdy, uıqynyń qanbaýyn, kúızelisti jáne taǵy basqasyn boldyrmaý.