Men úshin aqsha emes, nátıje mańyzdy – Aleksandr Býblık

ASTANA. KAZINFORM – Qazaqstannyń birinshi raketkasy Aleksandr Býblık Frantsııa ashyq chempıonaty, Rolan Garrostaǵy nátıjesi, ıAnnık Sınnermen ótken kezdesýi, jarystan tapqan tabysy týraly Kazinform tilshisine aıtty.

– Siz sporttyq jolyńyzda alǵash ret Rolan Garros týrnıriniń shırek fınalyna deıin jetip, úzdik nátıje kórsettińiz. Jarystan keıingi kóńil kúıińiz qalaı?

– Meniń qandaı kúıde bolǵanym shırek fınalǵa shyqqan sátte kóringen shyǵar. Bul týrnırde kópten beri óner kórsetip kelemin. Ondaǵan oıynshyny jeńdim. Kóńil túkpirinde bári múmkin ekenine sendim. Eshqashan mundaı nátıjege qol jetpese de, senimnen aırylmadym. Sol sát endi týǵan bolar dep oılaımyn. Osy týrnırdegi oıyn deńgeıim buryn múmkin bolmaǵan nársege qol jetkize alatynymdy kórsetti. Sondyqtan baqyttymyn. 

– Frantsııa ashyq chempıonatynda qıyndyqqa ıAnnık Sınnermen ótken matchta tap boldyńyz ba?

– «Úlken dýlyǵa» týrnırinde óner kórsetýdiń ózi qıyn. Keıde bes setke deıin sozylatyn básekede bar kúshińdi sarp etýge týra keledi, psıhologııalyq jaǵynan da ońaı emes. Onyń ústine álemniń birinshi raketkasyna qarsy kelseń, tipti qıyn. Ol barlyq jaǵynan bir bas joǵary, sondyqtan óte aýyr tıdi. Djek Dreıpermen oıynnan keıin babymdy ustap turý da qıyn boldy. Oǵan qosa sonyń aldynda ATP Challenger dodasynda jeńimpaz atanǵanym bar. Maǵan sol úsh apta aýyr boldy. Sondyqtan ıAnnıkpen bir set bolsa da, taıtalasyp, básekege qabiletti ekenimdi kórsete alǵanymnyń ózine shúkirshilik etemin. 

– Siz ózińizdi jankúıerler, tennıs federatsııasy kútken údeden shyǵa alyp júrmin dep oılaısyz ba?

– Men, eń bastysy, ózim kútken bıikten shyqqym keledi. Kóbinese soǵan jetip júrmin. Al sáti túspese, qobaljı bastaǵanym kortta kórinip turady. Júıke júıesi bizde bireý, ol qaıta qalpyna  kelmeıdi. 

– Parıjdegi jankúıerlerdiń qoldaýyn sezindińiz be? Ol sizdiń oıynyńyzǵa tyń lep berdi me?

– Árıne, sondaı ǵalamat stadıon men Djekpen mańyzdy matchta jankúıerler qoldaýyn sezindim. Bul men úshin sheshýshi báseke edi, alǵashqy shırek fınalǵa shyǵý úshin barymdy saldym. Tórtinshi sette men dop berip, esep 15:40 bolyp jatqan sátte ekeýmizdi qoldaǵan stadıon ekige jarylǵandaı boldy. Bul erekshe áser etti, biraq mundaı stadıonda birinshi ret oınap jatqan joqpyn. Matchtan keıin meni osylaı qoldaıdy dep oılamadym. Stadıon toly jankúıerdiń tik turyp, úsh mınýt boıy qol soǵýy, árıne, ózgeshe kóńil kúıge bóledi. 

– Sizdi bárinen buryn ne qýantady, tarıhı nátıje me, álde iri kólemdegi tabys pa? 

– Aqshaǵa men áýelden kúnkóris quraly retinde qaraımyn. Ne qajet bolsa, sonyń bárin satyp aldym. Bálkim, budan da kóp tabys tapsam, qarjy týraly túsinigim basqasha bolar ma edi. Biraq myna jaǵdaıda esepshotyma aqsha túskennen men aspanǵa ushyp ketpeımin, ómirimde de túbegeıli ózgeris bolady dep oılamaımyn. Sondyqtan meniń jaqsy óner kórsetip, sondaı nátıjege qol jetkizgenim qarajattan góri mańyzdy. Óıtkeni sol matchta jeńiske jetken kezdegi kóńil kúıdi eshqandaı aqshaǵa satyp ala almaısyń. 

– Aldaǵy ýaqyttaǵy jospar qandaı?

– Denim saý bolǵany mańyzdy. Babymdy ustap, tabysqa jetkim keledi. 

– Qazan aıynda Almaty ATP 250 týrnıri ótedi. Soǵan qatysasyz?

– Iá. Ókinishke qaraı, ótken jyly jaraqat alyp qalyp, qatysa almadym. Men úshin Qazaqstanǵa kelip, óner kórsetken qashanda mańyzdy. Bıyl Qazaqstanǵa kelip, óz jankúıerlerimniń aldynda óner kórsetkim keledi. Buǵan densaýlyǵym múmkindik beredi dep úmittenemin. Óıtkeni maýsym uzaq. Almatyǵa deıin kóp ýaqyt bar. Týrnır de kóp. Sondyqtan ózimdi barynsha saqtap, Almatyda joǵary oıyn órnegin kórsetsem deımin.

– Áńgimeńizge rahmet. Sáttilik tileımin.

Eske sala keteıik, budan buryn Aleksandr Býblıktiń London ATP 500 týrnırine shaqyrtý alǵanyn jazǵan edik.