Meni aldap ketti: hosteldegi órtke qatysty aıyptalýshy jaýap berip jatyr
ALMATY. KAZINFORM — Almatyda hosteldegi órtke qatysty sot otyrysy ótip jatyr.
Іs Almaly aýdandyq sotynda sýdıa Ernar Qasymbekovtiń tóraǵalyǵymen qaralyp jatyr. QR Qylmystyq kodeksiniń 292-babynyń 3-bóligi (Abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý) boıynsha eki adamǵa aıyp taǵylyp otyr. Olar – ALA Hostel dırektory Ádilbek Muhamedıarov pen «Gıdservıs» kompanııasynyń ıesi Aleksandr Pekelnık.
Kezekti sot otyrysynda sottalýshylardyń biri Ádilbek Muhamedıarovtan jaýap alyndy. Onyń barysynda ol úı-jaıdy «KÝSA Halyq» kompanııasynan jalǵa alǵanyn jáne onyń maqsaty zańdy ekenin túsindirdi.
Úı-jaıdyń basqa fýnktsıonaldyq maqsaty bar ekenin jáne hostel retinde paıdalanýǵa bolmaıtynyn bilesiz be? degen suraqqa aıyptalýshy bul týraly bilmegenin jáne mundaı iri kompanııa zań buzýǵa jol beredi dep oılamaǵanyn jetkizdi.
Sondaı-aq odan: «Siz ózińdi aldanyp qaldym dep oılaısyz ba?» dep surady.
— Iá. Maǵan «hostel» retinde berildi. ıAǵnı, men ony jalǵa alǵan kezde jataqhana boldy. Men bul oryn qoldanystaǵy zańnamaǵa tolyq sáıkes keledi dep sendim, — dedi Ádilbek Muhamedıarov.
Onyń aıtýynsha, hostel resmı túrde jumys istep turdy — belgiler bar, ǵımarat tekserýge ashyq.
Kelisimshartta órtke qarsy dabyl júıesi men datchıkter ornatylǵan jalpy aýdany 457 sharshy metr bolatyn birinshi jáne jertóle qabattaryn jalǵa berý qarastyrylǵan.
— «KÝSA Halyq» kompanııasynyń maǵan arnaýly maqsaty óz betinshe ózgertilgen úı-jaıdy normatıvtik qujattardy ózgertpesten jalǵa berip jatqanyn bilmedim, — dep qosty ol.
Osyǵan deıin prokýror Nurazhan Myrzaly aıyptaý aktisin oqyǵan bolatyn.
Eske salaıyq, 2023 jyldyń 30 qarashasynda Ádı Sháripov, 86 mekenjaıy boıynsha «Almaty Hostel» hosteli órtengen bolatyn.
Tótenshe jaǵdaı departamentine órt týraly habarlama 05:33-te túsken. Órt saldarynan hostelde 13 adam qaıtys boldy.
Mert bolǵan 13 adamnyń tórteýi – sheteldikter (Reseı Federatsııasynyń 2 azamaty jáne Ózbekstannyń 2 azamaty), qalǵan toǵyzy – Qazaqstan Respýblıkasynyń azamattary.
Keıinirek órtengen hosteldiń ıeleri belgili boldy.
Hostel ǵımaraty Halyk Bank-ke tıesili. Ony jalǵa alǵan – «ALA Hostel» JShS. Jaldaý týraly kelisimshart 2023 jyly 21 qyrkúıekte jasalǵan.
2023 jyldyń jeltoqsan aıynda hosteldiń basshysy ustaldy.