Memlekettik týdy qorlaǵan Túrkistan oblysynyń turǵyny sottaldy
TÚRKІSTAN. KAZINFORM - Túrkistan qalalyq sotynda memlekettik týdy qorlap, áleýmettik jelige salǵan Saýran aýdanynyń turǵynyna qatysty qylmystyq is qaraldy.
Sottalýshy Saýran aýdany, Ibata aýylyndaǵy ortalyq kóshege ilingen memlekettik týdy sýretke túsirip, jelige júktegen. Sodan astyna Memlekettik týdy qorlaıtyn sózder jazǵan.
Alaıda jarııalanǵan postqa oqyrmandardyń narazy pikiri kóbeıip ketkendikten, salǵan jazbasyn óshirip tastaǵan. Qylmystyq áreketter is materıaldaryna tirkelgen qujattarmen tolyq dálelin tapty.
Sot úkimimen sottalýshy QK-niń 372-babynda kózdelgen qylmystyq quqyq buzýshylyqty jasaǵany úshin kináli dep tanyldy. Oǵan 1 jyl merzimge bas bostandyǵyn shekteý jazasy taǵaıyndaldy.
«Sottalýshyǵa qoldanylǵan «kúzetpen ustaý» túrindegi bultartpaý sharasy «eshqaıda ketpeý jáne tıisti minez-qulqyn ustaý týraly» qolhatyna ózgertilip, ol sot zalynan qamaýdan bosatyldy. Sot úkimi zańdy kúshine engen joq» - delingen Túrkistan oblystyq sotynyń baspasóz qyzmeti usynǵan aqparatta.
