Memlekettik materıaldyq rezervten azyq-túlik bronnan shyǵaryldy
ASTANA. KAZINFORM - Memlekettik materıaldyq rezervten 356 tonna azyq-túlik bronnan shyǵaryldy.
«TJM buıryǵyna sáıkes memlekettik materıaldyq rezervten Atyraý oblysynyń Qulsary qalasynan evakýatsııalanǵan azamattardy azyq-túlikpen qamtamasyz etýge arnalǵan 264 tonna azyq-túlik (un, makaron, qaraqumyq jarmasy, et konservileri jáne t.b.) bronnan shyǵaryldy. Sondaı-aq, Atyraý jáne Batys Qazaqstan oblystarynda sý tasqynyn joıýǵa jumyldyrylǵan 7 myń áskerı qyzmetshi úshin 92 tonna azyq-túlik bronnan shyǵaryldy», - dedi Memlekettik materıaldyq rezervter komıtetinen agenttik tilshisine.
Komıtet málimetinshe, buǵan deıin Aqmola, Atyraý, Aqtóbe, Qostanaı, Shyǵys Qazaqstan, Batys Qazaqstan, Soltústik Qazaqstan jáne Mańǵystaý oblystarynyń qajettilikteri úshin sý tasqynymen kúresýge memlekettik materıaldyq rezervten arnaıy jáne ınjenerlik tehnıkalar, tósek-oryn jabdyqtary, motopompalar, dalalyq asúıler jáne basqalary bronnan shyǵarylǵan edi.
