Memlekettik kúzet qyzmetiniń ókilettigi keńeıtildi

ASTANA. KAZINFORM – Memleket basshysy «Qazaqstan Respýblıkasy Memlekettik kúzet qyzmeti týraly erejeni bekitý týraly» 2014 jylǵy 4 mamyrdaǵy jarlyqqa ózgertýler men tolyqtyrýlar engizdi. Qujatta qyzmettiń fýnktsııalary naqtylanyp, onyń qorǵanys jáne memlekettik qorǵanys tapsyrysy salasyndaǵy róli keńeıtildi.

Jańa túzetýlerge sáıkes:

• Memlekettik kúzet qyzmeti endi qorǵanys ónerkásibi men memlekettik qorǵanys tapsyrysy salasyndaǵy memlekettik saıasatty qalyptastyrýǵa jáne iske asyrýǵa qatysady.

• Qyzmettiń mindetter tizbesi keńeıtildi: áskerı-tehnıkalyq yntymaqtastyq, oq-dárilerdi joıý, paıdalanylmaıtyn qorǵanys nysandaryn berý, qarý-jaraq pen áskerı tehnıkanyń sıpattamalaryn aıqyndaý, memlekettik synaqtar men qarý-jaraqty qabyldaýǵa qatysý, áskerı ulttyq standarttardy ázirleý jáne aýmaqtyq qorǵanysty josparlaý.

• • Arnaıy maqsattaǵy kúshterdi jasaqtaý, múlik pen bıýdjettik qarajatty basqarý, merzimdi áskerı qyzmetshilerdi konkýrstyq irikteýdi uıymdastyrý, sondaı-aq dalalyq jáne turǵyn úı tólemderiniń tártibi boıynsha ókilettikter naqtylandy.

• • Daǵdarystyq jıyndar kezinde áskerı daıyndyqtan ótý jáne rezervısterdiń kelý tártibi aıqyndaldy.

Munan bólek, qujat Memlekettik kúzet qyzmetine qabyldaý jáne Arnaıy maqsattaǵy kúshterdi jasaqtaý erejelerin jańartady. Merzimdi áskerı qyzmetshilerdi irikteýge basymdyq beriledi.

Jarlyqtyń basym bóligi 10 qyrkúıekte qol qoıylǵan sátten bastap, al keıbir erejeler 16 qyrkúıekten bastap kúshine endi.