Memlekettik qyzmetshiler men áskerılerdiń bás tigýine tyıym salynady
ASTANA. KAZINFORM – Býkmekerlik keńselerde bás tigý kezinde qatysýshylardyń beıne-bıometrıkalyq ıdentıfıkatsııadan ótýi mindetteledi. Bul týraly Májilistiń jalpy otyrysynda oıyn bıznesi týraly zań jobasyn talqylaý kezinde depýtat Elnur Beısenbaev aıtty.
«Sonymen qatar, zań jobasynda býkmekerlik keńselerde bás tigý, aqsha alý jáne tóleý kezinde qatysýshylardy beıne-bıometrıkalyq ıdentıfıkatsııadan ótkizý mindetteledi. Oıyn bıznesi uıymdastyrýshylarynyń úshinshi tulǵalardyń banktik kartochkalaryna tólem qabyldaýyna shekteý qoıý máselesi qarastyrylǵan. Memlekettik qyzmetshilerdiń, quqyq qorǵaý jáne áskerı qyzmetkerlerdiń bás tigýine tyıym salý eskerilgen. Shamamen 220 myńǵa jýyq qyzmetkerdiń qumar oıyn oınaýy shekteledi», - dedi E. Beısenbaev.
Onyń aıtýynsha, óz-ózin qumar oıynnan shekteýdi 1 jyldan 10 jylǵa deıin sozý qarastyrylǵan.
ıAǵnı egov-mobaıl qosymshasy arqyly shekteı alady. Bul shekteýdi qaıtyp qalpyna keltire almaısyz.
