Memlekettik bıýdjettiń kirisi ulǵaıdy

ASTANA.KAZINFORM —  Jedel derekterge súıensek, 2025 jyldyń qańtar–sáýir aralyǵynda memlekettik bıýdjettiń kirisi 113,8% oryndaldy. Bul týraly Qarjy mınıstrliginiń baspasóz qyzmeti habarlady. 

— Jospar boıynsha 6,7 trln teńge kózdelip, is júzinde 7,6 trln teńge tústi. Jospar 925 mlrd teńgege artyq oryndaldy. Byltyrǵy uqsas kezeńmen salystyrǵanda memlekettik bıýdjettiń kirisi 1,4 trln teńgege nemese 21,7% artty, — delingen Qarjy mınıstrligi habarlamasynda.

Onyń ishinde:

— respýblıkalyq bıýdjettiń kiristeri boıynsha jospar 102,3% oryndaldy nemese jospar boıynsha 4,3 trln teńge boljanyp, is júzinde 4,4 trln teńge tústi. Byltyrǵy kezeńmen salystyrǵanda ósim qarqyny 128,2% nemese absolıýtti mánde 971,3 mlrd teńgege ulǵaıdy.

— jergilikti bıýdjetterdiń kiristeri 134,5% oryndaldy nemese jospar boıynsha 2,4 trln teńge boljanyp, is júzinde 3,2 trln teńge tústi. Ósim 2024 jyldaǵy kezeńmen salystyrǵanda 113,7% nemese 387,2 mlrd teńgege artyq oryndaldy.

— Atalǵan kezeńde qabyldanǵan salyq jáne kedendik ákimshilendirý men olardy tsıfrlandyrý jumystary arqyly qosymsha 300 mlrd teńge tústi, — delingen habarlamada. 

Aıta ketelik bıyl 10 myń bıznes-bastamaǵa qoldaý kórsetiledi.