Memlekettik bilim granttary 99 paıyzǵa ıgerildi – Saıasat Nurbek

ASTANA. KAZINFORM – Bıyl memlekettik bilim granttary 99 paıyzǵa ıgerildi. Bul týraly Úkimet otyrysynda Ǵylym jáne joǵary bilim mınıstri Saıasat Nurbek aıtty.

– Bıyl UBT-ǵa 210 myńnan astam talapker qatysty. Onyń ishinde 160 myń adam nemese 76 paıyzy shekti baldy eńserdi. Memlekettik bilim granttarynyń konkýrsyna 113 myńǵa jýyq ótinim berildi. Bıyl bakalavrıat, magıstratýra, doktorantýrany eseptegende 93 myńnan astam grant, onyń ishinde 77 myńnan astam grant bakalavrıatqa bólindi. Konkýrs qorytyndysy boıynsha granttar 99 paıyz kóleminde ıgerildi, - dedi ol.

Saıasat Nurbek Prezıdent tapsyrmasyna sáıkes, stýdentterdi qoldaý aıasynda 2020 jylmen salystyrǵanda stýdentterdiń shákirtaqysy 2 esege ulǵaıǵanyn atap ótti.

– Jyl saıyn 300 saralanǵan grant, paıyzsyz nesıeler beriledi. Bıyldyń mańyzdy jańalyǵy – «Keleshek» biryńǵaı jınaqtaý júıesi engizildi. Memlekettik bilim berý júıesi aıasynda 134 myńnan astam shot ashyldy. Onyń ishinde 34 768 salym «Keleshek» jınaqtaý júıesiniń quraldarymen qosyldy. Mańyzdy aqparat – talapkerlerge memlekettik granttardan basqa 5 myńǵa jýyq grant bólinetinin atap ótkim keledi. Ákimdikterdiń – 1 700-den astam, jumys berýshilerdiń – 400, Qazaqstan halqyna qorynyń – 500, JOO ózderi bóletin – 2 200 grant, - dedi mınıstr.

Eske sala keteıik, buǵan deıin Saıasat Nurbek joǵary bilim salasyndaǵy 2 rekordty ataǵanyn jazǵan edik.