Memlekettik-jekeshelik áriptestik aıasyndaǵy jobalar mindetteme júkteıdi -komıtet

NUR-SULTAN. QazAqparat – Memlekettik-jekeshelik áriptestik aıasyndaǵy jobalarǵa tartylǵan ınvestıtsııanyń ár teńgesi mindetteme júkteıdi. Respýblıkalyq bıýdjettiń atqarylýyn baqylaý jónindegi Esep komıtetiniń tóraǵasy Natalıa Godýnova Parlamenttiń birlesken otyrysynda osyndaı derek keltirdi, dep habarlaıdy QazAqparat tilshisi.

«Qazirdi tańda memlekettik-jekeshelik áriptestigi aıasynda 800 joba iske asyrylyp jatyr. Olar boıynsha óńirler men respýblıkanyq ortaq qaryzy 1 trln 600 mlrd teńgege jetti. Jalpy somasy 1 trln teńgeden asatyn 150-deı joba taǵy pysyqtalyp jatyr. Buǵan deıin memlekettik-jekeshelik áriptestik aıasyndaǵy jobalardyń tıimdiligine júrgizilgen baǵalaýǵa sáıkes, ınvestıtsııa retinde tartylǵan 1 teńgege 2,1 teńgege memlekettik mindetteme keledi. Kóptege jobalar boıynsha memlekettik mindetteme joba qunyn tolyqtaı jaýyp tur. ıAǵnı, memleket jeke menshik kásiporyndardan qunyn qoldan qymbattatylǵan jobalar úshin qaryz alyp otyr degen sóz», - dedi Natalıa Godýnova.

Sondaı-aq ol syrttan qaryz alýǵa bastama kótergen basshylardy jeke jaýapkershiligi kúsheıtiletinin atap ótti.

«Bul jobalar boıynsha alynǵan mindettemelerdi oryndaý kezinde memlekettik bıýdjetke túsetin júktemeniń negizgi bóligi 2023 jáne odan keıingi jyldarǵa keledi. Bıyl bıýdjetten bul mindettemelerge tólem retinde 158 mlrd teńge bólinse, 2023 jyly 173 mlrd teńge bolady», - dedi Natalıa Godýnova.

Aıta keteıik, Parlamenttiń búgingi birlesken otyrysyna Birlesken otyrysqa QR Senat tóraǵasy Máýlen Áshimbaev, Májilis tóraǵasy Erlan Qoshanov, QR Úkimet basshysy Álıhan Smaıylov, Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Natalıa Godýnova, Úkimet músheleri qatysyp jatyr.