Memlekettik tildegi qujat aınalymy 93 paıyzǵa jetti
Onyń atap ótýinshe, elimizdiń til saıasaty «Qazaqstan Respýblıkasyndaǵy til týraly» Zańy jáne Tilderdi qoldaný men damytýdyń 2011-2019 jyldarǵa arnalǵan memlekettik baǵdarlamasyna sáıkes júzege asyrylady. Memlekettik baǵdarlama Elbasynyń «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgen mindetterdi iske asyrý maqsatynda qazaq tilin latyn grafıkasyna kezeń-kezeńimen kóshirýdi túsindirý jumystaryn júrgizý, orfografııany jetildirý, onyń kópshilikke qoljetimdiligin qamtamasyz etý mindetterimen tolyqtyryldy jáne Qazaqstan Respýblıkasynyń Konstıtýtsııasyna engizilgen túzetýlerge sáıkes Úkimet qaýlysymen bekitildi.
«Elimizde 88 aımaqtyq jáne 1 respýblıkalyq tilderdi oqytýdyń memlekettik ortalyqtary jumys isteıdi. Oqytý ortalyqtary «QR-daǵy Til týraly» Zańyna sáıkes tildi oqytý kýrstaryn uıymdastyrady. Osy maqsatta 2018 jyldyń alǵashqy jartyjyldyǵynda 42 myńnan astam adam kýrstardan ótti. Alaıda, Almaty qalasy, Atyraý, Mańǵystaý, Batys Qazaqstan jáne Pavlodar oblystarynda tilderdi oqytý memlekettik ortalyqtary joq bolsa, keıbir oblystarda bir ǵana ortalyq bar», - dedi ol.
Osy rette vıtse-mınıstr memlekettik baǵdarlamada kózdelgen ındıkatorlarǵa qol jetkizý, sondaı-aq oqytýdyń úshtildi modelin damytý jáne latyn grafıkasyna kóshý barysynda oqytýshylar men turǵyndardy oqytý úshin Tilderdi oqytý ortalyqtarynyń áleýetin arttyrý qajettigine nazar aýdardy.
«Qaztest» júıesi negizinde qazaq tilin bilý deńgeıin anyqtaý maqsatynda 2018 jyldyń jeti aıynda testileýden ótkenderdiń jalpy sany - 52 myń 245 adamdy qurady, onyń ishinde memlekettik qyzmetshiler sany - 20 057 adam. Aǵymdaǵy jyly toǵyz aıdyń qorytyndysy boıynsha memlekettik tildegi jalpy qujataınalymnyń úlesi 93 paıyzdy qurap otyr. Onyń ishinde ortalyq atqarýshy organdarda- 91, jergilikti atqarýshy organdarda - 95, al ulttyq kompanııalarda 46 paıyzdy qurady. Osy rette, memlekettik organdar negizinen «Qaztest» júıesi boıynsha synaq tapsyrý, oqytý kýrstaryna qatysý, qujat aınalymyn qazaq tilinde júrgizý jáne ýákiletti organ tarapynan uıymdastyrylatyn sharalarǵa qatysýmen shekteletinin atap ótken jón»,- dedi Aqtoty Raıymqulova.
