Memlekettik organdardaǵy konkýrstardy ótkizý protsedýralarynyń ýaqyty 3 ese qysqarady - Álıhan Báımenov

ALMATY. 8 aqpan. QazAqparat - «Memlekettk qyzmet týraly» zań boıynsha endi naqty memlekettik organnyń konkýrstyq irikteýine qatyssyz testileý ótkiziledi.

Ony QR Memlekettik qyzmet isteri agenttiginiń tóraǵasy Álıhan Báımenov búgin Almatyda Prezıdent Joldaýynyń negizgi basymdyqtaryn nasıhattaý men túsindirý boıynsha Respýblıkalyq aqparattyq-nasıhattyq top músheleriniń qatysýymen ótken qala aktıvi jınalysynda aıtty.

«Testileýdiń qorytyndysy boıynsha azamattarǵa konkýrstyq irikteýge qatysýǵa múmkindik beretin sertıfıkat beriledi. Al memlekettik organdardaǵy konkýrstardy ótkizý protsdýralarynyń ýaqyty 3 ese qysqaryp, 50-60 kúnnen, 15-20 kúnge azaıady», - dedi Á.Báımenov. Onyń aıtýynsha, zańdaǵy sheshýshi ózgeris «A» basqarý korpýsyn qurý bolyp otyr. Bul QR Prezıdenti belgilegen memlekettik laýazymdardy basqarý deńgeıin ákimshiliktendirý. Onda kadrlyq rezerv pen konkýrstyq irikteýdiń erekshe tártibi qarastyrylǵan. «A» kadrlyq rezerv korpýsyn qalyptastyrý QR Prezıdenti janyndaǵy Kadrlyq saıasat jónindegi ulttyq komıssııa men Aımaqtyq kadrlyq komıssııalary sheshimderi negizinde júzege asyrylady. Aımaqtyq kommıssııa quramyna oblys pen respýblıkalyq mańyzy bar Astana men Almaty qalalarynyń ákimderin jáne ákimdikterdiń apparat jetekshilerin, máslıhat hatshylaryn, tekserý komıssııalary tóraǵalaryn, QR Memlekettik qyzmet isteri agenttiginiń aýmaqtyq organdarynyń basshylaryn engizý qarastyrylýda.