Memlekettik qyzmetshilerdi daıarlaýǵa bólingen granttar sany anyqtaldy
Elimizdegi memlekettik qyzmetshilerdi daıarlaý, qaıta daıarlaý jáne biliktiligin arttyrýdy júzege asyratyn erekshe mártebege ıe joǵary oqý orny – Qazaqstan Respýblıkasy Prezıdentiniń janyndaǵy Memlekettik basqarý akademııasyna oqýǵa qujat qabyldaý kezeńi aıaqtaldy.
2023-2024 jyldarǵa qujat qabyldaý 3 sáýirden bastap 29 maýsymǵa deıin admission.apa.kz aqparattyq júıesi arqyly júrgizildi. Júıege barlyǵy 1410 adam tirkeldi, 890 adam konkýrsqa jiberildi, olardyń ishinde 855-i memlekettik bilim berý tapsyrysy boıynsha oqý úshin konkýrsqa túsedi.
Memlekettik bilim berý tapsyrysy aıasynda magıstratýra baǵdarmalary boıynsha konkýrsqa jiberilgender sany:
«Memlekettik saıasat» – 295;
«Óńirlik damý» – 221;
«Adamı resýrstardy basqarý» – 134;
«Ekonomıka» – 104;
«Memlekettik basqarý» – 63;
«Halyqaralyq qatynastar» – 11.
Doktorantýra baǵdarlamalary boıynsha konkýrsqa jiberilgender sany:
«Ekonomıka» – 3;
«Halyqaralyq qatynastar» – 5;
«Memlekettik basqarý» – 19 úmitker.
Akademııada oqýǵa qujat tapsyrǵandardyń basym bóligi – jergilikti memlekettik atqarýshy organdarda qyzmet etetin memlekettik qyzmetshiler.
Jergilikti atqarýshy organdar – 452;
Ortalyq memlekettik organdar – 213;
OMO aýmaqtyq bólimsheleri – 175;
Jergilikti ókildi organdar – 15.
Qabyldaý komıssııasynyń sheshimimen granttar kelesideı bólindi:
magıstratýra baǵdarlamalary boıynsha:
«Memlekettik saıasat» – 35;
«Óńirlik damý» – 26;
«Adamı resýrstardy basqarý» – 16;
«Ekonomıka» – 15;
«Memlekettik basqarý» – 21;
«Halyqaralyq qatynastar» – 7.
doktorantýra baǵdarlamalary boıynsha:
«Ekonomıka» – 1;
«Halyqaralyq qatynastar» – 2;
«Memlekettik basqarý» – 9.
Konkýrstyq irikteý doktorantýraǵa úsh kezeńnen, al magıstratýraǵa eki kezeńnen turady:
«Zertteý jumysy josparynyń jobasy» 5-14 shilde (tek doktorantýraǵa qujatty tapsyrǵandar úshin);
«Analıtıkalyq esse» jazý kezeńi 5-14 shilde;
«Suhbattasý» 17-31 shilde aralyǵynda júrgiziledi.
Oqýǵa aldyn ala qabyldanǵan úmitkerler tizimi 7 tamyzda jarııalanady. Úmitker, oqýǵa jibergen memlekettik organ jáne Akademııa arasyndaǵy úsh jaqty kelisimshartqa qol qoıylǵannan keıin 18 tamyzda oqýǵa qabyldanǵandardyń qorytyndy tizimi buıryqpen bekitiledi.
