Memlekettik qyzmet isteri jáne sybaılas jemqorlyqqa qarsy is-qımyl agenttiginiń aýmaqtyq bólimshe basshylarynyń laýazymyna konkýrs jarııalandy
ASTANA. QazAqparat - Qazaqstan Respýblıkasy Memlekettik qyzmet isteri men sybaılas jemqorlyqqa qarsy is-qımyl agenttigi quqyq qorǵaý qyzmetin júzege asyratyn agenttiktiń jáne onyń aýmaqtyq bólimsheleri memlekettik qyzmetshileriniń laýazymdaryna qoıylatyn biliktilik talaptaryn jarııalady.
Agenttiktiń baspasóz qyzmeti habarlaǵandaı, konkýrs ótkizý jáne taǵylymdamadan ótýdiń tıisti qaǵıdasy, sondaı-aq osy sanattaǵy laýazymdarǵa konkýrstan tys ornalasý qaǵıdasy men sharttary bekitildi, bul qujat BAQ-ta jarııalanyp, agenttiktiń saıtyna ornalastyrylatyn bolady.
Konkýrstyq komıssııa úmitkerlerdi berilgen qujattary, medıtsınalyq kýálandyrý, polıgrafologııalyq zertteý qortyndylary, fızıkalyq daıyndyq normatıvterin tapsyrý, jeke quzyreti boıynsha testi qamtıtyn testileýden ótý nátıjeleri negizinde baǵalaıtyn bolady. Úmitkerlermen áńgimelesý konkýrstyq komıssııa jumysynyń aıaqtalý kezeńi bolyp tabylady, sonyń nátıjesi boıynsha sheshim shyǵarylady. Áńgimelesý ótkizgen kún týraly aqparat agenttik saıtyna ornalastyrylady. Qazirgi ýaqytta agenttiktiń aýmaqtyq bólimsheleri basshylarynyń laýazymdaryna konkýrs jarııalandy.
