Memleket zeınetaqy jınaǵyn azamattarǵa tolyq bere almaıtynyn túsiný kerek – mınıstr

NUR-SULTAN. QazAqparat – Memleket zeınetaqy qoryna jınalǵan qarajattyń bárin azamattarǵa bere almaıtynyn túsiný kerek. QR Aqparat jáne qoǵamdyq damý mınıstri Dáýren Abaev zeınetaqy qoryndaǵy qarajattyń bir bóligin paıdaǵa jaratýǵa qatysty osyndaı pikir bildirdi, dep habarlaıdy QazAqparat tilshisi.

«Memleket zeınetaqy qoryna jınalǵan qarajattyń bárin azamattarǵa bere almaıtynyn túsiný kerek. Sebebi, mundaı jaǵdaıda qaýip deńgeıi joǵary bolmaq. Zeınetaqy qoryndaǵy qarajatty búgin alyp alý – keıin kedeılikke dýshar etpeıtinine eshkim kepildik bere almaıdy. Ereje biryńǵaı bolýy tıis. Onyń ústine elimizde keıingi jyldary ómir súrý uzaqtyǵy da uzaryp bara jatqanyn esten shyǵarmaý kerek. Orta eseppen 10 jylǵa uzaryp barady», - dedi ol «Ashyq dıalog» baǵdarlamasynda.

Dáýren Abaevtyń aıtýynsha, zeınetaqy qoryna degen azamattardyń túsinigine mańyz berý kerek.

«Azamattardyń kóbi resmı jalaqyny mınımaldy tarıf arqyly alyp, qalǵanyn konvert arqyly alǵysy keledi. Aınalyp kelgende osynyń bári zeınetaqy qoryna aqshany azyraq aýdarý úshin jasalady», - dedi mınıstr.