Memleket basshysynyń barlyq tapsyrmasy erekshe baqylaýda tur - Ashat Aımaǵambetov
«Memleket basshysy daryndy balalardy qoldaý sharalaryn qabyldaýdy tapsyrdy. Osy tapsyrmany oryndaý maqsatynda zańnamaǵa ózgerister engizildi.
Halyqaralyq pándik olımpıadalardyń jeńimpazdary men júldegerleri 4,7 mln teńgege deıin bir rettik aqshalaı syılyqqa, sondaı-aq UBT tapsyrmaı-aq qazaqstandyq JOO-da oqýǵa bilim granttaryna ıe boldy.
Endi jyl saıyn turaqty negizde halyqaralyq olımpıadalardyń barlyq jeńimpazy men júldegeri, sondaı-aq olardyń tálimgerleri bir rettik aqshalaı syılyq alady. Onymen qosa halyqaralyq pándik olımpıadalardyń, shyǵarmashylyq baıqaýlar men sporttyq saıystardyń jeńimpazdary UBT-dan ótpeı qazaqstandyq ýnıversıtetterde oqýǵa grant alady», - dep jazdy mınıstr áleýmettik jelidegi paraqshasyna.
Mınıstrdiń esebi bylaı órbıdi:
Memleket basshysy áleýmettik osal otbasylardan shyqqan balalardy, onyń ishinde «Tsıfrly ustaz» jobasy aıasynda qoldaý sharalaryn qabyldaýdy tapsyrdy.
a) Áleýmettik osal otbasy balalaryna arnalǵan «Tsıfrly ustaz» jobasyn iske asyrý bastaldy. Úkimettiń 64 Qaýlysyna ózgerister engizildi.
b) Osy jyldan bastap áleýmettik osal otbasydan shyqqan balalarǵa «Daryn», BIL sııaqty mamandandyrylǵan mektepterde oqý úshin 15% kvota berildi.
v) «Jalpyǵa mindetti bilim berý» qory aıasynda 475 myń balaǵa mektep formasy men keńse taýarlaryn satyp alýǵa beriletin materıaldyq kómek kólemi 17 myńnan 37 myńǵa deıin kóbeıtildi. Sondaı-aq endi aqsha tikeleı ata-analardyń banktegi shotyna aýdarylady.
Prezıdent suranysqa ıe mamandyqtar boıynsha tegin TjKB-men qamtýdy jáne bilim berý baǵdarlamalaryn jańa shyndyqqa beıimdeýdi tapsyrdy.
a) Tehnıkalyq mamandyqtarǵa memlekettik tapsyrysty qaıta baǵdarlaý boıynsha jumystar júrgizildi jáne tehnıkalyq mamandyqtarǵa memlekettik tapsyrys kólemi byltyrmen salystyrǵanda 27 myńnan astam orynǵa ósti.
b) Respýblıkalyq bıýdjetten bólinetin granttar sany 45 myńǵa ulǵaıyp, rekordtyq kórsetkishke, ıaǵnı 128 myńǵa jetti.
v) Kolledjderge túsý kezinde kvotaǵa ilinetin adamdardyń tizimi keńeıtildi. Atap aıtqanda, kópbalaly otbasylardan shyqqan balalarǵa – 5%, tolyq emes otbasy balalary úshin – 1%, múmkindigi shekteýli balalary bar otbasylardan shyqqandarǵa – 1%.
g) Kolledjderge akademııalyq derbestik berildi. ıAǵnı endi kolledjder jumys berýshilermen birlesip, bilim berý baǵdarlamalarynyń mazmuny men oqý merzimderin derbes anyqtaıdy.
d) Bilim berý baǵdarlamalarynyń tizilimi jasaldy. Onda 8 myńnan astam bilim berý baǵdarlamasy bar, onyń ishinde 250-den astamy ınnovatsııalyq baǵdarlama.
Balalarǵa erte kásiptik baǵdar berýdi engizýge qatysty tapsyrma berildi.
a) balalarǵa bolashaq mamandyǵyn tańdaýǵa kómektesý úshin erte kásiptik baǵdar berý júıesi engizilip jatyr.
b) Mektepterde kásiptik baǵdar berýshi muǵalim laýazymy engizilip jatyr. Bul mamandyq tańdaý boıynsha belsendi jumys túrleri arqyly oqýshylardyń qajetti quzyretterin damytýǵa múmkindik beredi.
v) Oqýshylardyń kásiptik baǵdaryn anyqtaý maqsatynda 7-11 synyp oqýshylary arasynda dıagnostıka júrgizildi. Taldaý nátıjeleri boıynsha usynystar qabyldanyp, kásibı baǵdardy anyqtaý jáne dıagnostıka júrgizý boıynsha ádistemelik nusqaýlarǵa ózgerister men tolyqtyrýlar engizildi. Bul baǵytta jumys áli de jalǵasyp jatyr.
Memleket basshysy 2025 jylǵa deıin 1 000 mektep salýdy tapsyrdy.
a) 2021 jyly 277 mektep salyndy.
b) Bıyl taǵy 230 mektepti paıdalanýǵa berý josparlanyp otyr.
v) №70 buıryq qabyldanyp, mektepterdi jabdyqtaýdyń jańa jáne zamanaýı standarttary engizildi.
Sonymen qatar Prezıdent tolyq jınaqtalǵan aýyl mektepterin 2023 jyldan bastap jan basyna shaqqandaǵy qarjylandyrýǵa kezeń-kezeńimen kóshirýdi tapsyrdy.
Búgingi tańda jan basyna shaqqandaǵy qarjylandyrý normatıvin anyqtaý úshin tolyq jınaqtalǵan aýyl mektepterin qarjylandyrý ádistemesi boıynsha jumystar júrgizilip jatyr.
2023 jyldan bastap osy bastamany iske asyrý kózdelip otyr.
Joldaýda sondaı-aq pedagogterdiń biliktiligin arttyrý merzimin 5 jylda bir retten 3 jylda bir retke deıin ózgertý tapsyrmasy berildi.
a) Tıisti zań qabyldandy. Endi bıýdjet qarajaty esebinen biliktilikti arttyrý 3 jylda bir ret ótkiziledi.
b) Bıylǵy 1 tamyzdan bastap muǵalimderdi oqytý bastaldy. 18 qarashaǵa deıin 48 500 muǵalim biliktiligin arttyrady. Pán muǵalimderine arnalǵan kýrstar, balalardyń oıyn áreketi men úılesimdi damýyna baǵyttalǵan mektepke deıingi oqytý jáne tárbıeleý boıynsha bilim berý baǵdarlamalary daıyndaldy.
v) 12 negizgi pán baǵyty boıynsha 44 jańa bilim berý baǵdarlamasy ázirlendi. Memleket basshysynyń barlyq tapsyrmasy erekshe baqylaýda tur.
