Memleket basshysy Joǵary aýdıtorlyq palatasynyń keıbir máselelerine qatysty erejeni bekitti

ASTANA. QazAqparat - Qazaqstan Respýblıkasy Joǵary aýdıtorlyq palatasynyń keıbir máseleleri týraly Jarlyq shyǵardy, dep habarlaıdy QazAqparat.

«Qazaqstan Respýblıkasynyń Prezıdenti týraly» Qazaqstan Respýblıkasy Konstıtýtsııalyq zańynyń 16-babynyń 2) tarmaqshasyna sáıkes QAÝLY ETEMIN:

1. Qosa berilip otyrǵan:

1) Qazaqstan Respýblıkasynyń Joǵary aýdıtorlyq palatasy týraly ereje;

2) Qazaqstan Respýblıkasy Prezıdentiniń keıbir aktilerine engiziletin ózgerister bekitilsin.

2. Osy Jarlyqqa qosymshaǵa sáıkes Qazaqstan Respýblıkasy Prezıdentiniń keıbir jarlyqtarynyń kúshi joıyldy dep tanylsyn.

3. Qazaqstan Respýblıkasynyń Joǵary aýdıtorlyq palatasy osy Jarlyqtan týyndaıtyn sharalardy qabyldasyn.

4. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti Q.Toqaev

Astana, Aqorda, 2022 jylǵy 26 qarasha, № 5», - dep jazylǵan Jarlyqta.

Qazaqstan Respýblıkasy Prezıdentiniń 2022 jylǵy 26 qarashadaǵy №5 Jarlyǵymen bekitilgen Joǵary aýdıtorlyq palatasy týraly Erejemen mynaý silteme arqyly tanysýǵa bolady.