Memleket basshysy terrorıstik agressııaǵa ushyraǵan qala turǵyndaryna kóńil aıtty
«Memlekettik tóńkeris, eldiń turaqtylyǵyna qol suǵý talpynystary sátsizdikke ushyrady. Biz biryńǵaı ult retinde birliktiń arqasynda Almaty men ózge oblys ortalyqtaryn qorǵap qaldyq. Qysqa merzimde olar qalpyna keltiriledi jáne burynǵydan da kóriktene túsedi. Endi bul meniń tikeleı mindetim jáne árıne, Úkimettiń jaýapkershiligi», - dedi Memleket basshysy.
Sondaı-aq, ol Almaty qalasy polıtsııa departamentiniń ǵımaratynda shaıqasty taǵy bir eske aldy.
«Osy múmkindikti paıdalana otyryp, terrorıstik agressııanyń nysanyna aınalǵan qalalardyń turǵyndaryna kóńil aıtqym keledi. Osy bir qaraly kúnder artta qalǵan búgingi kúnde Іshki ister mınıstrliginiń arnaıy jasaqtarynyń terrorıstik agressııanyń betin qaıtarýdaǵy erligin atap ótkim keledi. Mysaly, Almaty qalasynda polıtsııa ókilderiniń shaǵyn toby polıtsııa departamentin basyp almashy bolǵan bandıtterdiń shabýyl eki tún qatarynan toıtaryp otyrdy», - dedi Prezıdent.
Eske salsaq, QR Prezıdenti Qasym-Jomart Toqaev Parlament Májilisiniń otyrysynda QR Premer-Mınıstri laýazymyna Álıhan Smaıylovtyń kandıdatýrasyn usynyp, ony Májilis qabyldady.
Prezıdent jýyqta Qazaqstandy saıası transformatsııalaý jónindegi jańa usynystaryn jarııalaıtynyn aıtqan .
Sondaı-aq, ol 7 qańtarda halyqqa jasaǵan úndeýinde Úkimetke búgingi Májilis otyrysynda natqy tapsyrmalar beretinin aıtqan edi.
«Úkimet meniń 11 qańtarda Májiliste aıtatyn sózime qatysty naqty sheshimder qabyldaýy kerek», - degen Memleket basshysy.
