Memleket basshysy Premer-Mınıstrdiń jumysyna baǵa berdi
«Búgin kóterilgen máselelerdiń barlyǵy asa mańyzdy. Úkimet pen ákimder jumysynyń negizgi maqsaty – halyqtyń tabysyn kóterip, ár-aýqatyn jaqsartý, Elbasy Nursultan Ábishuly Nazarbaevtyń bastamalaryn odan ári jalǵastyrý. Júzege asyrylyp jatqan barlyq memlekettik baǵdarlamalar eń aldymen halqymyzdyń turmys sapasyn arttyrýǵa baǵyttalýy tıis. Sondyqtan osyndaı asa jaýapty mindetti joǵary deńgeıde atqarýymyz kerek. Bul eń aldymen egemen elimizdiń búgini úshin aıanbaǵan ata-babalardyń isin jalǵastyrý dep túsinýimiz qajet», - dedi Qasym-Jomart Toqaev Úkimettiń keńeıtilgen otyrysynda.
Sonymen qatar, Memleket basshysy Premer-Mınıstrdiń jumysyna baǵa berdi.
«Asqar Uzaqbaıuly Mamın basqaryp otyrǵan Úkimet alǵa qoıylǵan maqsattardy júzege asyrýǵa qabiletti dep oılaımyn. Kásibı deńgeıi joǵary, múmkindikteri mol. Biz bul kúrdeli kezeńnen de abyroımen ótemiz, oǵan men kámil senemin», - dedi Prezıdent.
