Memleket basshysy elden eshteńeni jasyryp otyrǵan joq - senator
«Ókinishke qaraı, elimizde terrorlyq áreket kóptegen azamattarymyzdyń ómirin julyp ketti. Qurbandyqqa ushyraǵandar da az emes. Halyqaralyq terrorızm aýqymy men keltirgen zalaldary boıynsha barlyq adamzattyń, sonyń ishinde bizdiń eldiń de úlken problemasynyń birine aınaldy. Biz úshin eń mańyzdysy - Otanymyzdaǵy árbir azamattyń Táýelsizdiktiń ıgiligin sezinýi. Onyń basty kórinisi – eldegi beıbit ómir, qoǵamdaǵy turaqtylyq pen órkenıetti damýy. Sondaı-aq, halyqtyń turmys sapasynyń qarqyndy jaqsarýy jáne jastardyń bolashaqqa nyq senimmen qaraýy», - dedi Sultanbek Mákejanov.
Osy oraıda ol eldiń áleýmettik-ekonomıkalyq damýynyń keshendi baǵdarlamasy usynylyp otyrǵanyn atap ótti.
«Memleket basshysy elden eshteńeni jasyryp otyrǵan joq. Elimizdiń áleýmettik-ekonomıkalyq damýynyń keshendi baǵdarlamasyn usyndy. Osyndaı eldiktiń mańyzdy mejesinde turǵanda, baǵdarlamany oryndaýǵa búkil halyq bolyp atsalysýymyz kerek. Biz Memleket basshysyna senemiz, halqymyzdyń danalyǵyna senemiz, ashyqtyq jáne ádildik qaǵıdaty syn kúnderden alyp shyǵary anyq. Halqymyzǵa birlik-bereke, yntymaq, zor densaýlyq jáne baqytty bolashaq tileımin!» - dedi senator.
Budan buryn habarlanǵandaı, Bas prokýratýra tártipsizdikter men terrorıstik shabýyldan qaza bolǵandardyń jalpy sanyn atady.
«Adam shyǵyny bolǵan oqıǵalardy tergep, tekserýge erekshe nazar aýdarylýda. Búgingi kúni 4578 jábirlenýshi anyqtaldy. Onyń 4353-i jaralandy. Onyń ishinde 3393 quqyq qorǵaý organdarynyń qyzmetkerleri. Tótenshe jaǵdaı kezinde morgterge qazaq tapqan 225 adam jetkizildi. Olardyń bir bóligi terraktilerge qatysqan, ǵımarttar men quqyq qorǵaý qyzmetkelerine shabýyl jasaǵan qarýly bandıtter. Qaza bolǵandardyń ishinde 19 polıtsııa jáne ásker qyzmetkerleri de bar. Atalǵan derekter aldyn ala sıpatta. Olar áli naqtylanyp jatyr, ózgerýi de múmkin. Degenmen, árbir fakt muqııat tekseriledi, nátıjesi boıynsha quqyqtyq baǵa beriledi», - dedi QR Bas prokýratýrasy qylmystyq qýdalaý qyzmetiniń bastyǵy Serik Shalabaev.
Sonymen qatar Bas prokýratýra oqıǵanyń tolyq hronologııasyn jarııalady.
Sýret: 7kun.kz
