Memleket basshysy Atyraý oblysyndaǵy AEA jumysyn synady

NUR-SULTAN. QazAqparat –Atyraý oblysynyń áleýmettik-ekonomıkalyq damý máseleleri jónindegi keńeste Memleket basshysy Qasym-Jomart Toqaev Ulttyq ındýstrıaldy munaı hımııasy tehnoparki jumysyna syn aıtty, dep habarlaıdy QazAqparat tilshisi.

«Oblys ekonomıkasyn damytýdaǵy úlken úmit munaı-gaz hımııasymen baılanysty. Bul jerde biz tym artta qalyp qoıdyq. Al atalǵan sala – bul óńirdiń jáne búkil eldiń ekonomıkasy bolashaǵynyń negizi. Buǵan qosa, «Ulttyq ındýstrıaldy munaı hımııasy tehnoparki» arnaýly ekonomıkalyq aımaq tıimdiligi kóptegen suraq týyndatyp otyr. AEA ınfraqurylmynyń qurylysy aıaqtalmaǵan. 2015 jyldan beri AEA-ny damytýǵa 162 mlrd teńge bólingen. Biraq, iske qosylǵany bir ǵana joba», - dedi Memleket basshysy.

QR Prezıdentiniń atap ótýinshe, polıpropılen men polıetılen óndiretin iri jobalar áli kúnge deıin júzege asyrylmaǵan. Óıtkeni, ınvestorlar tabylmaǵan jáne satý naryqtary da aıqyndalmaı otyr.

«Úkimet pen «Samuryq-Qazyna» qory bul jobalardyń júzege asyrylyn jedeldetýi tıis. Almasadam Maıdanuly, munaı-gaz hımııasy salasyndaǵy jobalardy qor jumysynyń basymdyǵy retinde qarastyrýdy ótinemin. Bul baǵyttaǵy barlyq jumysty erekshe baqylaýǵa alyńyz», - dedi Qasym-Jomart Toqaev «Samuryq-Qazyna» qorynyń basqarma tóraǵasy Almasadam Satqalıevke qarata.