Memleket basshysy atynan ımamdar marapattaldy

NUR-SULTAN. QazAqparat - Elordada ótip jatqan «Islam – mádenıet pen izgiliktiń bastaýy» atty ımamdardyń IV respýblıkalyq onlaın-forýmynda QR Prezıdenti Qasym-Jomart Toqaevtyń atynan elimizdiń birqatar ımamdary marapattaldy, dep habarlaıdy QazAqparat tilshisi.

«Búgingi forýmda dinı qaıratkerlerdiń aıtqan oılary, ıdeıalary men sheshimderi elimizdegi barsha musylman qaýymnyń qyzyǵýshylyǵyn týdyrady degen senimdemin. Qurmetti forýmǵa qatysýshylar!.

Qazaqstan musylmandary dinı basqarmasynyń 30 jyldyq mereıtoıyna oraı memlekettik din salasyndaǵy saıasatty kórkeıtýge qomaqty úles qosqan birqatar meshit ımamdaryn QR Prezıdentiniń atynan marapattaý qarastyrylyp otyr», - dedi QR Memlekettik hatshysy Qyrymbek Kósherbaev forýmda sóılegen sózinde.

Aıta ketsek, Qazaqstan musylmandary dinı basqarmasynyń 30 jyldyq mereıtoıyna oraı ótip jatqan «Islam – mádenıet pen izgiliktiń bastaýy» atty ımamdardyń IV respýblıkalyq onlaın-forýmyna QR Prezıdenti Qasym-Jomart Toqaev jáne QR Tuńǵysh Prezıdenti – Elbasy Nursultan Nazarbaev quttyqtaý joldaǵan bolatyn.

QR Prezıdentiniń atynan marattalǵan ımamdar tizimi:

1. Bekaıdar Ámire – Shymkent qalasynyń «Sheıh Muhammed sadyq» meshitiniń bas ımamy;

2. Myrzabaev Kenjeáli Qońyratbaıuly – Almaty qalasynyń «Qalqaman» meshitiniń bas ımamy;

3. Amanqulov Asylhan Ómirzaquly – Almaty qalasynyń «Ál-Hamıd» meshitiniń bas ımamy;

4. Smanov Ábdijappar Shákiruly – Túrkistan oblysynyń «Saryaǵash» medrese-kolledji dırektorynyń orynbasary;

5. Dáýrenbekov Ábdimútáli Qaınazaruly – Aqtóbe qalasynyń «Aqtóbe» medrese-kolledjiniń dırektory;

6. Qulmuhammed Mahambet Pirmanuly – «Ábý Hanıfa» medrese kolledjiniń dırektory;

7. Rahymjan Saǵynaı Qabdýlýahıtuly – «Aqnıet» aqparattyq nasıhattaý jáne ońaltý ortalyǵy, teolog-keńesshi;

8. Týleshov Zamır Qarataıuly - «Aqnıet» aqparattyq nasıhattaý jáne ońaltý ortalyǵy, bólim basshysy.