Memleket basshysy Astanada Dostyq úıin ashýdy tapsyrdy
«Menińshe, Astana qalasynda dostyq úıin ashatyn kez keldi. Ondaı nysandar jergilikti jerde bar. Endi, ondaı úıdi elordada ashý qajet. Ol úshin myna ǵımaratty (Beıbitshilik jáne kelisim saraıy - avt.) olarǵa berý kerek. Sebebi úsh jylda bir ret Álemdik jáne dástúrli dinder sezi ótip turady. Bıyl IV sezd ótedi. Degenmen, basqa ýaqytta osy ǵımaratty Dostyq úıi retinde paıdalanýǵa bolady. Ol barlyq respýblıka boıynsha Ortalyq dostyq úıi bolady», - dedi N.Nazarbaev Qazaqstan halqy Assambleıasynyń XXVІ sessııasynda.
Sondaı-aq Memleket basshysy Astanada ashylatyn Dostyq úıinde Qazaqstan halqy Assambleıasynyń ǵylymı-zertteý ortalyǵyn ashýdy tapsyrdy.
«Qazir bári Qazaqstan halqy Assambleıasy týraly suraıdy. Ony qalaı uıymdastyrdyq? Qalaı iske asyrdyq? Mine, osynyń bárin zerttep jazatyn bir ortalyq bolýy qajet. Jańa kitaptardy, jańa shyǵarmalardy basý kerek. Qazaqstan halqy Assambleıasyn qalaı qurǵanymyzdy bárine kórsetken jón. Sosyn, alda áli kóp maqsattar tur. Problemalar da bar. Sonyń bárin sheshý kerek. Qandaı máselelerdi eskermedik? Ǵylymı-zertteý ortalyǵy osyny jan-jaqty zertteýi tıis», - dep atap kórsetti N.Nazarbaev.
Aıta keteıik, búgin Beıbitshilik jáne kelisim saraıynda Elbasy Nursultan Nazarbaevtyń tóraǵalyǵymen Qazaqstan halqy Assambleıasynyń XXVІ sessııasy bastaldy.
