Memleket basshysy Tájikstan Prezıdenti Emomalı Rahmonmen telefon arqyly sóılesti
ASTANA. KAZINFORM - Prezıdentter qazaq-tájik qatynastarynyń qarqyndy damyp kele jatqanyn atap ótip, saýda-ekonomıkalyq jáne mádenı-gýmanıtarlyq salalardaǵy yntymaqtastyqty odan ári keńeıtý perspektıvasyn talqylady.
Áńgimelesý barysynda joǵary deńgeıde, sonyń ishinde Qazaqstan Prezıdentiniń bıyl tamyz aıynda Tájikstanǵa jasaǵan memlekettik sapary aıasynda qol jetkizilgen ýaǵdalastyqtardy sapaly túrde júzege asyrý máselesine aıryqsha mán berildi.
Qasym-Jomart Toqaev Emomalı Rahmondy týǵan kúnimen quttyqtap, baýyrlas tájik halqynyń ıgiligi úshin atqaryp jatqan jaýapty memlekettik qyzmetinde jańa belesterdi baǵyndyra berýine tilektestik bildirdi.
Memleket basshysy Tájikstan Prezıdentiniń ekijaqty baılanystardy nyǵaıtýǵa qosqan úlesin joǵary baǵalaıtynyn jetkizdi.
Taraptar memleketaralyq yqpaldastyqty dostyq, strategııalyq seriktestik jáne odaqtastyq rýhynda ilgeriletýge nıetti ekenin rastady.
