Memleket basshysy Sumitomo kompanııasynyń prezıdenti Shıngo Ýenony qabyldady
ASTANA. KAZINFORM – Qasym-Jomart Toqaev Tokıoda Japonııanyń iri jáne yqpaldy saýda-ınvestıtsııalyq korporatsııalarynyń biri sanalatyn Sumitomo jetekshisimen kezdesti. Bul týraly Aqordanyń baspasóz qyzmeti habarlady.
Qazaqstan Prezıdenti elimiz Sumitomo korporatsııasynyń ornyqty damý men bıznestiń jaýapkershiligin arttyrýǵa beıildigin joǵary baǵalaıtynyn, sondaı-aq kompanııany uzaq merzimdi seriktes retinde qarastyratynyn atap ótti.
Shıngo Ýeno Memleket basshysyna «Qazatomónerkásip» ulttyq kompanııasymen birlesken jobany iske asyrý jaıynda málimet berdi. Atalǵan joba ıadrolyq medıtsına salasynda ýran ónimderinen em-sharaǵa qoldanýǵa arnalǵan radıı ızotoptar alýdyń ǵylymı-negizdemelik ádisterin ázirleýdi qarastyrady.
Kezdesýde kólik-logıstıka, energetıka, atom ónerkásibi, metallýrgııa jáne geologııalyq barlaý salalarynda birlesken ınvestıtsııalyq bastamalardy júzege asyrý perspektıvasy talqylandy.
Aıta keteıik, Qasym-Jomart Toqaev Japonııaǵa resmı saparmen bardy. Sonymen qatar Tokıoda jalpy quny 3,7 mlrd dollardan asatyn kelisimderge qol qoıylady.
Memleket basshysy Japonııa Imperatory Narýhıtomen kezdesti. Sondaı-aq Qasym-Jomart Toqaevtyń qurmetine resmı qabyldaý ótti.
Keıin Toqaev Meıdjı Djıngý ǵıbadathanasyn aralap kórdi. Sonymen qatar Qasym-Jomart Toqaev Japonııada turyp jatqan qazaqstandyqtarmen jáne Japonııa Parlamentiniń Qazaqstanmen dostyq lıgasy múshelerimen kezdesti.
Japonııa Premer-mınıstriniń ofısinde Qasym-Jomart Toqaevty resmı qarsy alý rásimi ótti.
Japonııa Premer-mınıstri Qazaqstan Prezıdentiniń resmı sapary eki eldiń ózara tıimdi yntymaqtastyǵyna tyń serpin beretinine senim bildirdi.
Rıtsýmeıkan Azııa-Tynyq muhıty ýnıversıtetiniń tuńǵysh qazaqstandyq vıtse-prezıdenti Serik Meıirmanov Silk Way telearnasynyń tilshisine bergen suhbatynda Prezıdent Qasym-Jomart Toqaevtyń Japonııaǵa sapary týraly pikir bildirdi.
Qazaqstan men Japonııa kelissóz qorytyndysynda resmı qujattarǵa qol qoıdy.
Qasym-Jomart Toqaev Rakuten Group kompanııasynyń basshysy Hıroshı Mıkıtanıdi qabyldady.
Prezıdent Qasym-Jomart Toqaev kásipqoı sýmoshy Ersin Baltaǵulmen kezdesti.
Prezıdent pen Tokıo gýbernatory ıÝrıko Koıke Smart city tehnologııalaryn talqylady.
Astana ákimi men Tokıo gýbernatory ózara túsinistik týraly memorandýmǵa qol qoıdy.
Prezıdent Tokıonyń Tótenshe jaǵdaılar jónindegi ahýaldyq ortalyǵyn aralap kórdi.
Prezıdent Teleradıokesheni japonııalyq BAQ-pen baılanysyn damytady.
Tokıo gýbernatory Qazaqstan Prezıdentin qazaq tilinde qarsy aldy.