Memleket basshysy Stenford ýnıversıtetiniń professory Ilıa Strebýlaevty qabyldady

ASTANA. KAZINFORM — Qasym-Jomart Toqaev pen Ilıa Strebýlaev venchýrlyq ınvestıtsııa tartý, sondaı-aq jasandy ıntellekt salasyndaǵy Qazaqstannyń startaptaryn damytý áleýetin talqylady. Bul týraly Aqordanyń baspasóz qyzmeti habarlady. 

Prezıdent elimiz venchýrlyq ınvestıtsııa tartý kólemi boıynsha aımaqta kóshbasshy ekenin atap ótti. Memleket basshysy professordyń sarapshylyq pikirin jáne Qazaqstanǵa venchýrlyq ınvestıtsııa tartýǵa qosqan úlesin joǵary baǵalady.

Kezdesý sońynda Ilıa Strebýlaev Qasym-Jomart Toqaevqa óziniń qazaq tilinde jaryq kórgen kitabyn syıǵa tartty.

Aıta ketelik Prezıdent BAÁ Jasandy ıntellekt máseleleri jónindegi memlekettik mınıstrimen kezdesken edi.