Memleket basshysy Ózbekstan Prezıdentine alǵys aıtyp, hat joldady
Qasym-Jomart Toqaev Shavkat Mırzıeevke 14-16 qarasha kúnderi Ózbekstan Respýblıkasyna memlekettik sapary barysynda Qazaqstan delegatsııasyna kórsetken qonaqjaılyǵy úshin rızashylyǵyn bildirdi, dep habarlaıdy Aqorda.
Prezıdent hatta eki eldiń strategııalyq seriktestik jáne odaqtastyq qarym-qatynastaryn nyǵaıtýǵa tyń serpin bergen bul sapardyń tarıhı mánine toqtalǵan.
Qasym-Jomart Toqaev Tashkentte uıymdastyrylǵan Ortalyq Azııa memleketteri basshylarynyń VII Konsýltatıvtik kezdesýine joǵary baǵa berdi.
Memleket basshysynyń pikirinshe, óńirlik yqpaldastyqtyń barlyq baǵyty boıynsha órbigen mazmundy pikirtalastar, qabyldanǵan mańyzdy sheshimder men qujattar, sondaı-aq dıalogqa Ázerbaıjannyń tolyq quqyly múshe retinde qosylýy forýmnyń strategııalyq sıpatyn arttyra tústi.
Aıta keteıik, Nıkol Pashınıan 20-21 qarasha kúnderi Astanaǵa keledi.